Tomas pra aŭtakiefaliju Pravasłaŭnaj carkvy Ukrainy padpisany
5 studzienia ŭ Stambule adbyłosia padpisańnie Tomasa ab aŭtakiefalii Pravasłaŭnaj carkvy va Ukrainie.
Dakumient padpisaŭ suśvietny patryjarch Varfałamiej ŭ patryjaršym chramie Śviatoha Hieorhija na terytoryi Suśvietnaha patryjarchata, paviedamlajuć ukrainskija ŚMI.
Pierad padpisańniem adbyłasia malitva na ŭkrainskaj movie — usie prysutnyja mieli mahčymaść prasłuchać trapar ŭ vykanańni delehacyi jepiskapata i duchavienstva z Ukrainy.
Taksama malitvu pračytaŭ Varfałamiej.
Zatym razharnuli suvoj z Tomasam, vykananym rukapisna na pierhamiencie, i Varfałamiej padpisaŭ jaho.
Uručeńnie padpisanaha Tomasa źvierchniku PCU mitrapalitu Jepifaniju adbudziecca ranicaj 6 studzienia.
Ranicaj 5 studzienia ŭ patryjaršym chramie Śviatoha Hieorhija na terytoryi Suśvietnaha patryjarchata adbyŭsia karotki sumiesny malebien z udziełam źvierchnika PCU mitrapalita Jepifanija.
Na słužbie prysutničała ŭkrainskaja delehacyja ŭ składzie prezidenta Piatra Parašenki z žonkaj, śpikiera Viarchoŭnaj Rady, kiraŭnikoŭ niekalkich ministerstvaŭ i eks-prezidenta Viktara Juščanki.