U Dziaržaŭnaj dumie spadziajucca, što Biełaruś u 2019 hodzie daść Rasii sinierhiju, a nie łobstaraŭ
Biełaruś u 2019 hodzie moža kančatkova vyznačycca z tym, nakolki jana hatovaja da intehracyi z Rasijaj. Pra heta ŭ kamientary sajtu Regnum zajaviŭ pieršy namieśnik kiraŭnika kamiteta Dziarždumy pa ekanamičnaj palitycy, pramysłovaści, inavacyjnamu raźvićciu i pradprymalnictvu Uładzimir Hucianioŭ («Adzinaja Rasija»).
«Ja vielmi spadziajusia, što braterskaja Biełaruś, kiraŭnictva jakoj u apošni čas nijak nie moža vyznačycca, nakolki jana braterskaja, a ŭ pieršuju čarhu hramadzianie hetaj krainy, zrazumiejuć niedvuchsensoŭny trend, bačačy, da čaho pryvodzić zalacańnie da našych histaryčnych apanientaŭ, na prykładzie Ukrainy», — ličyć Hucianioŭ.
Takim čynam, upeŭnieny jon, Biełaruś i Rasija zmohuć vybudavać realny miechanizm intehracyi.
«Tak my zmožam adčuć realnuju sinierhiju ad našych uzajemaadnosin, a nie tolki pastaŭki dalikatesnych morapraduktaŭ, łobstaraŭ, vustryc, čym nas ciapier dosyć ščodra zabiaśpiečvaje Biełaruś», — adznačyŭ Hucianioŭ.
