Pažyłaja hrodzienka pieraličyła machlaram 3 000 dalaraŭ, kab vyrašyć prablemy syna
28 śniežnia 86-hadovaj hrodziency na haradski telefon patelefanavaŭ nieviadomy, pradstaviŭsia synam, a taksama raspavioŭ, što trapiŭ u niepryjemnuju situacyju i jamu patrebnyja hrošy. Žančyna vysłuchała historyju «syna», a zatym toj pieradaŭ trubku supracoŭniku pravaachoŭnych orhanaŭ. «Pradstaŭnik zakona» raspavioŭ, što hety incydent možna ŭładzić za $6000, adnak piensijanierka paviedamiła, što ŭ jaje niama takich hrošaj, piša Hrodna.life.
Čałaviek na inšym kancy provadu skazaŭ rekvizity banka, kudy nieabchodna pieravieści hrošy, a taksama numar telefona, pa jakim treba patelefanavać paśla hrašovaha pieravodu. Numar zarehistravany na terytoryi Litvy. Spałochanaja piensijanierka adpraviłasia ŭ bank, pieraviała $3000 na ŭkazany rachunak.
Akazałasia, što syn znachodzicca ŭ Biełarusi i ni ŭ jakija niepryjemnyja situacyi jon nie traplaŭ. Piensijanierka stała achviaraj machlaroŭ. Paśla taho, jak padman byŭ raskryty, žančyna źviarnułasia ŭ pravaachoŭnyja orhany.
Pa hetym fakcie raspačata kryminalnaja sprava pa č.3 art. 209 KK — «Machlarstva». Supracoŭniki milicyi šukajuć złodziejaŭ.
