Si Czińpin nie vyklučyŭ užyvańnia siły dla viartańnia Tajvania
Lidar KNR zaklikaŭ nasielnictva Tajvania być hatovymi da abjadnańnia z Kitajem, piša bbc.com.
Si Czińpin zajaviŭ pra mirny scenar abjadnańnia pa pryncypie «adna kraina - dźvie sistemy». Pry hetym jon adznačyŭ, što Kitaj pakidaje za saboj prava ŭžyć siłu.
Choć Tajvań źjaŭlajecca samakiravanym i de-fakta niezaležnym ad Kitaja, svaju suvierennaść jon nikoli aficyjna nie abviaščaŭ.
Piekin razhladaje vostraŭ jak svaju pravincyju, što adkałołasia.
U sieradu prezident Tajvania Caj Inveń zajaviła, što vostraŭ nikoli nie pahodzicca na ŭźjadnańnie z KNR na ŭmovach, prapanavanych Piekinam.
Pryncyp «adna kraina — dźvie sistemy» praduhledžvaje, što asobnyja rehijony KNR mohuć mieć pašyranuju aŭtanomiju z mahčymaściu pravodzić ułasnuju palityku i vybudoŭvać asobnuju ekanamičnuju sistemu. Takaja formuła pakul dziejničaje ŭ Hankonhu.
U svajoj zajavie Si Czińpin padkreśliŭ, što abodva baki źjaŭlajucca častkaj adnoj kitajskaj siamji, a niezaležnaść Tajvania stanie niesuciašalnym pavarotam historyi i šlacham, što zaviadzie ŭ tupik.
Pavodle jaho słoŭ, tajvański narod pavinien ŭśviedamlać, što niezaležnaść pryniasie tolki prablemy. Jon dadaŭ taksama, što Piekin nie ŭsprymie nijakich ruchaŭ, jakija buduć spryjać niezaležnaści Tajvania.
Adnosiny z Tajvaniem - častka ŭnutranaj palityki KNR, dadaŭ Si Czińpin i pieraściaroh inšyja krainy ad sprobaŭ umiašacca ŭ praces.
Jakaja pazicyja Tajvania?
U navahodniaj pramovie prezident Caj Inveń padkreśliła, što Kitaj pavinien vykarystoŭvać mirnyja sposaby vyrašeńnia lubych prablem i pavažać demakratyčnyja pryncypy, jakich prytrymlivajecca Tajvań.
«Chacieła b zaklikać Kitaj naŭprost pryznać isnavańnie Kitajskaj respubliki na Tajvani», - zajaviła spadarynia Inveń. Kitajskaja respublika - aficyjnaja nazva vostrava.
Pa słovach Inveń, Kitaj pavinien pavažać pazicyju 23 miljonaŭ ludziej, ich staŭleńnie da svabody i demakratyi. Kitaj, kaža prezident, pavinien vykarystoŭvać tolki mirnyja instrumienty dla vyrašeńnia sprečnych momantaŭ.
Nakolki surjoznyja pahrozy KNR?
Kampartyja Kitaja naŭprost kaža pra ŭźjadnańnie jak pra adziny mahčymy šlach u adnosinach KNR i Tajvania.
Kitaj možna ličyć mahutnaj vajennaj zvyšdziaržavaj, ale navat u takim vypadku adpraŭka vojskaŭ praź niespakojnyja vody Tajvańskaj pratoki budzie vielizarnaj vajennaj avanturaj, pośpiech jakoj zusim nie harantavany.
Kali nie brać pad uvahu niekalki bolš rezki ton, to zajava Si Czińpina, miarkujučy pa ŭsim, nie śviedčyć ab jakich-niebudź surjoznych źmienach u palitycy KNR. Asabliva, kali pryniać da ŭvahi bolš spakojnyja uryŭki jaho pramovy, u jakich jon kaža ab mirnym urehulavańni kanfliktaŭ i budučaje ŭmacavańnie handlovych suviaziaŭ.
Kali i płanujecca niejkaja vajna, to heta, vierahodna, budzie kibiervajna. Pa niekatoraj infarmacyi, Kitaj pakul aktyvizuje svaje siły dla ŭpłyvu na vybary na Tajvani, kab pieraškodzić pierśpiektyvam miascovych niezaležnikaŭ.
Na praciahu doŭhaha času ŭłady KNR raźličvała, što ekanamičnaja (a nie vajennaja) siła ŭciahnie Tajvań u abdymki Kitaja.
