U Hancavickim rajonie ad vybuchu pietardy školnik atrymaŭ traŭmu vačej
Žychar vioski Malkavičy 2002 hoda naradžeńnia pastupiŭ u Hancavickuju CRB 29 śniežnia kala 17 hadzin. U vyniku nieaściarožnaha vykarystańnia piratechniki chłopiec atrymaŭ termičny apiok i traŭmu vačej, a taksama tvaru i kalennych sustavaŭ, paviedamiŭ BiełTA namieśnik hałoŭnaha lekara centralnaj rajonnaj balnicy Alaksandr Łahodzič.
«Jon mieŭ patrebu ŭ aftalmałahičnaj dapamozie. Pakolki ŭ našaj balnicy niama śpiecyjalizavanaha adździaleńnia, jaho ekstranna dastavili ŭ Baranavickuju haradskuju balnicu», - rastłumačyŭ Łahodzič.
Paciarpieły idzie na papraŭku, pahrozy straty zroku niama.
Pavodle infarmacyi hałoŭnaha ŭpraŭleńnia pa achovie zdaroŭja Bresckaha abłvykankama, niepasredna ŭ navahodniuju noč u Bresckaj vobłaści ŭ vyniku nieaściarožnaha vykarystańnia piratechniki paciarpieli 6 čałaviek. «U asnoŭnym usie paciarpiełyja - darosłyja mužčyny. U ich dyjahnastavany lohkija piratechničnyja traŭmy: jak praviła, heta termičnyja apioki ruk. 20-hadovy małady čałaviek špitalizavany z apiokam rahavicy voka», - skazaŭ načalnik hałoŭnaha ŭpraŭleńnia pa achovie zdaroŭja Viktar Michałoŭski.