Bieražycie blizkich, zdaroŭje i Biełaruś! VIDEAvinšavanka ad našaniŭcaŭ
Darahija ludzi! 2018 hod byŭ dla kožnaha z nas roznym. Ale nas jadnała pamiać pra naša minułaje, łučyła žadańnie lepšaha žyćcia i cikavaść da śvietu, takoha vializnaha i pryŭkrasnaha.
Chaj u novym hodzie ździejśniacca vašy zapavietnyja mary, chaj jon pryniasie vam udaču ŭ pracy, cikavyja padarožžy pa našaj miłaj Biełarusi i śviecie. Chaj vaš nastroj budzie jak maha bolš aptymistyčny, tolki dobrych navin vam. Chaj u kožnaha z nas budzie kachańnie, rok-n-roł i svaja niva.
Budźcie haspadarami svajho žyćcia i svajoj krainy.
Chaj u novym 2019 hodzie Biełaruś stanie jašče bolš biełaruskaj i jašče bolš niezaležnaj.
Davajcie ŭ hetyja ščaślivyja, śviatočnyja chviliny ŭspomnim i tych, kaho siarod nas niama, ale čyja luboŭ žyvie ŭ nas. Davajcie padzielimsia ź imi našymi radaściami i dumkami.
Šanoŭnyja čytačy, dziakuj za toje, što byli razam z nami ŭ hetym hodzie. Šanujcie svajo zdaroŭje, bieražycie blizkich i Biełaruś, i ŭsio składziecca.
I jašče: kab my nie byli śvińniami ŭ hetym hodzie, nie byli skotam, a byli ludźmi!
Pahladzicie našu videavinšavanku. Vas vinšujuć u takim paradku:
Jahor Marcinovič, v.a. hałoŭnaha redaktara NN.BY
Nastaśsia Roŭda, namieśnica hałoŭnaha redaktara, kiraŭnica adździeła markietynhu
Andrej Dyńko, šef-redaktar NN.BY, hałoŭny redaktar «Našaj historyi»
Jahor Chavanski, mieniedžar pa prodažach
Andrej Skurko, redaktar NN.BY
Kacia Karpickaja, reparciorka
Aleh Hardzijenka, veb-redaktar NN.BY
Źmicier Babin, redaktar rasiejskaj viersii NN.BY
Natalla Tur, reparciorka
Z Novym hodam! Budziem razam i ŭ 2019-m!
