Vyniesieny prysud dziaŭčatam z Klimavičaŭ, jakija raskapali mahiłu, kab daviedacca, što adbyłosia z trupam za 30 hadoŭ
U Klimavičach padletki paździekvalisia z mahiły, a paśla jašče i razmalavali aharodžu carkvy.
Klimavičy. Fota Vandrouka.by
Dźvie niepaŭnaletnija dziaŭčyny sarvali šyldy z kryžoŭ na dźviuch mahiłach. Hetymi šyldami jany raskapali stary mahilny pahorak — kab daviedacca, što adbyvajecca z trupam za 30 hadoŭ. Praŭda, sił davieści spravu da kanca ŭ ich nie chapiła.
U inšy dzień adna ź dziaŭčyn razam z chłopcam rušyli da carkvy. Tut jany apahanili nieprystojnymi nadpisami i malunkami kałony aharodžy carkvy i budynak niadzielnaj škoły.
Chłopcu było mała — u inšyja dni jon jašče raz namalavaŭ niešta nieprystojnaje na kałonach aharodžy.
Padletkaŭ vyrašyli nie nakiroŭvać u kałoniju. Toj dziaŭčynie, što nie pajšła da carkvy, pryznačana abmiežavańnie svabody na adzin hod. Inšaja dziaŭčyna atrymała abmiežavańnie svabody na paŭtara hoda, a chłopiec — na dva hady.