Dzieciuki apublikavali pieršuju pieśniu z novaha alboma AŬDYJA
Biełaruski folk-pank-hurt Dzieciuki pradstaviŭ na Soundcloud pieśniu «Kali nad łuham busieł pralacieŭ». Jak raskazaŭ Svabodzie lider hurtu Aleś Dzianisaŭ, hetaja pieśnia źjavicca ŭ trecim albomie «Dzieciukoŭ».
Sam albom, jaki budzie zvacca «Radyjo Harodnia», Dzieciuki spadziajucca pradstavić na pačatku nastupnaha hodu: u śniežni zakončyć pracu nad albomam nie paśpiavajuć, bo «ŭsio robiać sami», ale planujuć zavieršyć źviadzieńnie i masterynh u studzieni. Pracy nad albomam Dzianisaŭ addaŭ svajo leta.
Pavodle Alesia Dzianisava, treci albom budzie «značna bolš raznastajnym» za papiarednija dva, u im budzie «spałučeńnie sučasnaści z historyjaj», paraleli miž ciapierašnimi padziejami i histaryčnymi.
«Kali nad łuham busieł pralacieŭ» — pieśnia na vierš sučasnaha biełaruskaha paeta Alesia Čobata. Dzianisaŭ užo zapisvaŭ jaje ŭ miežach solnaha prajektu «Karotkaja historyja Biełarusi». Na novym albomie «Dzieciukoŭ», kaža jon, budzie jašče adna pieśnia na vierš Čobata, usiaho planujucca «minimum try» liryčnyja kampazycyi.
