Stała viadoma, jaki małady hurt vystupić na «Kaladnym feście»
Arhanizatary «Kaladnaha festu» padviali vyniki hałasavańnia za hurt, jaki vyjdzie na scenu minskaha kłuba «Re:Public» 25 śniežnia.
Sioleta imprezu padtrymaje kamanda «Vodar». Akramia taho, u lidarach akazałasia Patrycyja Śvicina — jana stanie ŭdzielnicaj «Kaladnaha festu» ŭ nastupnym hodzie. Trapiła ŭ trojku pieramožcaŭ i kamanda «Vorona». Usie try hurty atrymajuć padtrymku ŭ zapisie 1-j pieśni.
Nahadajem, padać zajaŭku na ŭdzieł u feście moh luby hurt, stylistyčna i moŭna kamandy nie abmiažoŭvali. Adzinaje, što padkrelisvałasia: fest zastaniecca fołkavym. Na druhim etapie za bendy hałasavali partniory i siabry imprezy, viadomyja muzyki, arhanizatary festaŭ. Pa ich mierkavańniach adabrali 10 hurtoŭ, jakija i byli pradstaŭlenyja na hałasavańnie słuchačoŭ.
Jano zaviaršyłasia 17 śniežnia. Za trojku lidaraŭ prahałasavali prykładna pa 1 000 čałaviek.
«Kaladny fest 2018» projdzie ŭ minskim kłubie «Re:Public» 25 śniežnia. Na im vystupiać hurty «Irdorath», «Osimira», «Rokash», «Znich», «Stary Olsa», a taksama kamanda «Vodar».
