Nazvany samyja papularnyja muzyčnyja zapyty hoda: na 4-m miescy remiks, zrobleny 18-hadovym litoŭskim chłopcam
Trek 18-hadovaha Edvinasa Piachoŭskisa — adna z samych paznavalnych kampazicyj 2018 hoda, lryras.lt
Servis Shazam, jaki dazvalaje raspaznavać pieśni, nazvaŭ samyja papularnyja muzyčnyja zapyty 2018 hoda. Pra heta paviedamlaje BBC.
Čaściej za ŭsio karystalniki dadatku šukali trek Solo brytanskaha kalektyvu Clean Bandit i amierykanki Demi Łavaci. Miełodyju «šazamili» bolš za dzieviać miljonaŭ razoŭ.
Druhoj u śpisie apynułasia kampazicyja Ch Niki Džema i Džeja Balvina.
Na trecim miescy - pieśnia One Kiss Kielvina Charysa i brytanskaj śpiavački kosaŭskaha pachodžańnia Dua Lipy.
Dalej idzie remiks pieśni In My Mind, zrobleny ŭ hetym hodzie 18-hadovym litoŭskim muzykantam Dynoro (Edvinasam Piachoŭskisam). In My mind u svaju čarhu była napisanaja ŭ 2012 h. Ajvana Hoŭtam na asnovie kampazicyi L'amour toujours italjanskaha dydžeja Džydžy D'Ahaścina.
Perfect Eda Šyrana, Leave A Light On Toma Uokiera, Girls Like You hrupy Maroon 5 i Repierša Kard Bi, Friends śpiavački En-Mary i pradziusara Marshmello, Flames Davida Hieta i Sii, I Like It Kardzi Bi, Džeja Balvina i śpievaka Bad Bunny.
Kampazicyjaj, što daŭžej za ŭsie trymała lidarstva ŭ hłabalnych čartach, apynułasia «Perfect» Eda Šyrana, jana była na viaršyni na praciahu dzieviaci tydniaŭ. Akramia taho, pieśniaj čaściej za ŭsio dzialilisia ŭ sacyjalnych sietkach paśla taho, jak znajšli jaje z dapamohaj dadatku. Trekam, jakija nabrali bolš za ŭsio «šazamaŭ» va ŭsim śviecie za adzin dzień (8 krasavika), staŭ «Friends» Marshmello i En-Mary, a kampazicyju Kielvina Charysa i Dua Lipy «One Kiss» karystalniki čaściej za inšych dadavali ŭ svaje płejlisty paśla taho, jak vyznačali z dapamohaj dadatku.
