Arche prapanuje: daśledavańnie «Rycar na poli bitvy»
12 śniežnia adbyłosia padsumavańnie vynikaŭ Premii Mižnarodnaha Kanhresu daślednikaŭ Biełarusi za najlepšyja navukovyja publikacyi 2017 hodu.
U naminacyi «Najlepšaja manahrafija pa histaryčnych navukach» pieramahła kniha vydaviectva Arche, praca Uładzimira Kananoviča «Rycar na poli bitvy. Kleck, žnivień 1506 hoda: historyka-antrapałahičnaje daśledavańnie».
Z hetaj nahody nazvanaja kniha dastupnaja dla nabyćcia pa źnižanaj canie da 20 śniežnia, paviedamlaje vydaviectva.
Infarmacyja pra toje, jak atrymać knihu, jość na sajcie Arche.
U knizie rekanstrujujecca chod i charaktar bitvy pad Kleckam 1506 h., adnoj z najbolš važnych i znakamitych u vajskovaj historyi Vialikaha Kniastva Litoŭskaha.
Adzin z raździełaŭ knihi ŭjaŭlaje saboj palityčnuju bijahrafiju hałoŭnaha hieroja bitvy pad Kleckam Michaiła Hlinskaha, nie abminutyja ŭvahaj i inšyja najbolš jarkija postaci tahačasnaj dziaržavy Jahiełonaŭ.