Na adkryćcio chakiejnaha turniru ŭ Homieli padletak pryjšoŭ ź siakieraj i nažami

Zdareńnie adbyłosia viečaram u piatnicu padčas adkryćcia abłasnoha turniru «Załataja šajba».

Fota homielskaj milicyi

Pra vypadak paviedamlaje homielskaja milicyja.

Padčas praviadzieńnia nadhladu 17-hadovaha padletka vyśvietliłasia, što jon pryjšoŭ na turnir ź nievialikaj siakieraj u čachle, raskładnym nažom u zaplečniku. Za pojasam znojdzieny nož u čachle.

Vyjechali pa miescy žycharstva chłopca. Tam znajšli 24 patrony roznaha kalibra, ź jakich try bojeprypasy da ručnoj strałkovaj naraznoj ahniastrelnaj zbroi.

Što tyčycca padletka, to jon raniej da administracyjnaj i kryminalnaj adkaznaści nie pryciahvaŭsia.

Zaviedziena kryminalnaja sprava, chłopiec zatrymany.

0

0

0

0

0

0