Patryjarch Kirył naskardziŭsia Mierkiel, Makronu, hienieralnamu sakrataru AAN i papu Francišku na UPC
kremlin.ru
Patryjarch Maskoŭski i ŭsioj Rusi Kirył nakiravaŭ pasłańni kiraŭnikam pamiesnych pravasłaŭnych cerkvaŭ, papu rymskamu Francišku i hienieralnamu sakrataru AAN Antoniu Huteryšu, źviarnuŭšy ŭvahu na «masavyja vypadki parušeńnia pravoŭ i svabod» duchavienstva i viernikaŭ Ukrainskaj pravasłaŭnaj carkvy Maskoŭskaha patryjarchata (UPC MP). Ab hetym paviedamlajecca na sajcie adździeła źniešnich carkoŭnych suviaziaŭ RPC.
Pasłańni taksama byli adrasavanyja prezidentu Francyi Emaniuelu Makronu, kancleru Hiermanii Anhiele Mierkiel, arcybiskupu Kienterbieryjskamu Džaścinu Uełbi, hienieralnamu sakrataru Suśvietnaj rady cerkvaŭ Ołafu Fiuksie Tvejtu
«Maje miesca vidavočnaja sproba vykarystańnia Carkvy ŭ dasiahnieńni palityčnych metaŭ i pieradvybarčaj baraćby», —havorycca ŭ pasłańniach patryjarcha.
Pa słovach patryjarcha, ukrainskija ŭłady akazvajuć «hruby cisk» na jepiskapaŭ i klirykaŭ UPC MP, «što dazvalaje kazać pra pačatak poŭnamaštabnych hanieńniaŭ». Jon adznačyŭ, što padstavaj dla ŭzmacnieńnia cisku stała admova śviatarstva UPC MP pryniać udzieł u abjadnalnym sabory Ukrainskaj carkvy, što pačniecca zaŭtra ŭ Kijevie.
Patryjarch padkreśliŭ, što na sabory UPC MP «samaja šmatlikaja relihijnaja kanfiesija krainy pavinna być zamieniena na niejkuju novuju relihijnuju arhanizacyju». Kiraŭnik RPC dadaŭ, što jaje stvareńniem zajmajecca prezident Ukrainy Piatro Parašenka sumiesna z patryjarcham Kanstancinopalskim Varfałamiejem.
