«Heta čarviak?» — viaskoŭcy kaštujuć midyi, vaśminohaŭ dy syr ź ćvillu VIDEA
U prahramie «Viaskoŭcy» telekanała «Biełsat» — niezvyčajny ekśpierymient: žychary vioski pieršy raz u žyćci sprabujuć na smak haradskija delikatesy.
Kali ŭ minułych vydańniach «Viaskoŭcaŭ» roznyja vyprabavańni źviedvaŭ viadoŭca Viktar Šukiełovič, to ciapier admysłovy čelendž byŭ zładžany dla hierojaŭ prahramy. Žychary biełaruskaha pasielišča musili pradehustavać łasunki, jakija trapili na ichny stoł z horadu. Što najbolš spadabałasia viaskoŭcam, a što jany zusim admovilisia jeści? Što nazvali «sałam ad marskoj śvińni», a što — «elektryčnym skatam»? Što nahadała im žabu, pjaŭku dy vuža?
U svaju čarhu,Viktar Šukiełovič zdymaŭ probu ź viaskovaj ježy ŭ inšym kutku Biełarusi. U tavarystvie Janiny Karłaŭny z Hłyboččyny, jakaja stała svojeasablivaj suviadoŭcaj prahramy, Viktar uminaŭ chruščy, draniki z tvarahom dy vareńnie, u jakoje dadali morkvu.
Ščyryja i viasiołyja ludzi bieź cieniu štučaści — heta toje, što robić prahramu «Viaskoŭcy» niezabyŭnaj.
