Finansavuju dyrektarku Huawei vypuścili pad rekordny zakład u $7,5 miljona. Pryčym bolšaść častka sumy — najaŭnymi
Vancouver News
Viarchoŭny sud Brytanskaj Kałumbii pastanaviŭ vypuścić pad zakład zatrymanuju ŭ Kanadzie finansavaha dyrektara kampanii Huawei Men Vańčžou, paviedamlaje telekanał Global News.
Suma zakładu składaje dziesiać miljonaŭ kanadskich dalaraŭ (kala 7,5 miljona dalaraŭ ZŠA), ź jakich siem miljonaŭ (krychu bolš za piać miljonaŭ dalaraŭ ZŠA) pavinny być najaŭnymi. Top-mieniedžar taksama pavinna nasić elektronny branzalet i zdać pašparty.
Jak paviedamlaje telekanał, Men Vańčžou vyzvalili pad zakład, bo jana «zmahajecca z mahčymaj ekstradycyjaj u ZŠA».
Pa dadzienych vydańnia Star Vancouver, jana pavinna apłacić vydatki na elektronny branzalet i nazirańnie, a taksama abaviazvajecca paŭstać pierad sudom 6 lutaha. Sudździa pastanaviŭ, što Men Vańčžou treba budzie adpuścić, kali ZŠA nie adpraviać całkam aformleny zapyt na ekstradycyju ciaham zakonnych 60 dzion, jakija minajuć 8 studzienia.
Men Vańčžou zastaniecca ŭ Vankuviery, dzie ŭ jaje jość dva damy. Joj zabaroniena pakidać dom z 11 viečara da šostaj ranicy. Jaje advakat prapanavaŭ susiedu, byłym kaleham Men Vańčžou i ryełtaram jaje muža vystupić u jakaści paručalnikaŭ.
Men Vańčžou - dačka zasnavalnika Huawei Žeń Čženfeja i namieśnik staršyni praŭleńnia kampanii była zatrymanaja ŭ Vankuviery pieršaha śniežnia. Jaje ekstradycyju patrabujuć ZŠA pa padazreńni ŭ parušeńni amierykanskich handlovych sankcyj suprać Irana.
