«Forbs» skłaŭ rejtynh samych vysokaapłatnych piśmieńnikaŭ śvietu. Džoan Roŭlinh užo nie na pieršym miescy
Časopis Forbes apublikavaŭ štohadovy rejtynh samych vysokaapłatnych piśmieńnikaŭ. U jaho ŭvajšli 11 aŭtaraŭ, jakija z červienia 2017 hoda pa červień 2018 hoda zarabili ahułam 283 miljonaŭ dalaraŭ na prodažach knih u ZŠA.
Wikimedia Commons
Pieršaje miesca ŭ rejtynhu zaniaŭ Džejms Patersan, viadomy dziakujučy sieryi detektyvaŭ pra inśpiektara Aleksa Krosa. Patersan zarabiŭ za hod 86 miljonaŭ dalaraŭ. A sioleta ŭ suaŭtarstvie ź Biłam Klintanam jon vypuściŭ knihu «Prezident źnik»
Na druhim miescy aŭtar knih pra Hary Potera Džoan Roŭlinh z prybytkam 54 miljony dalaraŭ. Zarobak piśmieńnicy źniziŭsia na 41 miljon dalaraŭ u paraŭnańni ź minułym hodam, kali jana zaniała pieršy radok rejtynhu Forbes.
Treciaje miesca ŭ rejtynhu zaniaŭ Styvien Kinh, jaki zarabiŭ 27 miljonaŭ dalaraŭ. Na siomaje miesca trapiŭ žurnalist Majkł Vułf, jaki vypuściŭ knihu «Ahoń i lutaść» ab administracyi prezidenta ZŠA Donalda Trampa. Prodažy hetaj knihi prynieśli Vołfu 13 miljonaŭ dalaraŭ.