Zabojcu milicyjanta z-pad Ivacevičaŭ nie pakarajuć: jon pakutuje na psichičnaje zachvorvańnie
Upraŭleńnie Śledčaha kamiteta pa Bresckaj vobłaści zavieršyła rasśledavańnie kryminalnaj spravy ab zabojstvie i zamachu na zabojstva učastkovych, paviedamiŭ BIEŁTA aficyjny pradstaŭnik abłasnoha USK Dźmitryj Ivaniuk.
Pad Ivacevičami viaskoviec adstrelvaŭsia ad milicyi: adzin učastkovy zabity, druhi ŭ reanimacyi
Zastreleny milicyjant apynuŭsia ŭ «čužoj» vioscy, bo tam nie było svajho ŭčastkovaha
Trahiedyja, nahadajem, adbyłasia 17 žniŭnia ŭ vioscy Babrovičy. U hety dzień 57-hadovy viaskoviec adkryŭ stralbu z ahniastrelnaj zbroi pa učastkovych, jakija pravodzili płanavuju pravierku zachoŭvańnia zbroi. U vyniku adzin ź milicyjantaŭ (42-hadovy ŭčastkovy) byŭ śmiarotna paranieny, a jaho małodšy kaleha atrymaŭ surjoznyja traŭmy. Viadoma, što viaskoviec ad 1987 hoda byŭ zarehistravany palaŭničym, mieŭ dazvoł na zachoŭvańnie i našeńnie ahniastrelnaj zbroi.
«Kompleksnaja sudovaja psichołaha-psichijatryčnaja ekśpiertyza pakazała, što abvinavačany pakutavaŭ u momant ździajśnieńnia złačynstva i pakutuje zaraz na psichičnaje rasstrojstva. Tamu kančatkovaje abvinavačańnie mužčynu nie vystaŭlałasia», — rastłumačyŭ Dźmitryj Ivaniuk.
Jon taksama adznačyŭ, što raniej źjavilisia čutki nakont brakańjerstva milicyjanta, hanieńni abvinavačanaha milicyjaj. «Hetaja infarmacyja była pravierana, adnak svajho abjektyŭnaha paćvierdžańnia nie znajšła», - padkreśliŭ Dźmitryj Ivaniuk.
Kryminalnaja sprava pieradadziena prakuroru dla nakiravańnia ŭ sud, jaki razhledzić pytańnie ab užyvańni da mužčyny prymusovych mier biaśpieki i lačeńnia.