CNN napisaŭ pra 16 čałaviek z atačeńnia Trampa, što kantaktavali z rasijanami
Prynamsi 16 čałaviek z atačeńnia prezidenta ZŠA kantaktavali z rasijanami ŭ chodzie pieradvybarčaj kampanii i pieradačy ŭłady ŭ 2016 hodzie. Pra heta paviedamlaje telekanał CNN sa spasyłkaj na materyjały sudoŭ, paviedamleńni ŚMI i publičnyja zajavy.
Telekanał ličyć kantaktami asabistyja sustrečy z rasijanami, telefavańni, pierapisku pa elektronnaj pošcie, sms-paviedamleńni i kantakty ŭ farmacie videakanfierencyi.
Usie pieraličanyja asoby admaŭlajuć zmovu z Rasijaj.
U lik asob, jakija ŭvachodziać u atačeńnie Trampa i, pa dadzienych CNN, vychodzili na suviaź z Maskvoj, uvajšli były kiraŭnik pieradvybarčaha štaba Trampa Poł Manafort, jaho dziełavy partnior i pradstaŭnik štaba Ryk Hiejts, eks-daradca pa dziaržbiaśpiecy Majkł Flin, były palityčny daradca Džordž Papadopułas.
U śpis uvajšli i dzieci Trampa: Donald Tramp-małodšy i Ivanka Tramp, a taksama ziać Džared Kušnier i jaho asistent Avi Bierkovic.
Akramia taho, telekanał zhadvaje eks-daradcaŭ Kartera Pejdža i Rodžera Stoŭna, eks-hienprakurora Džefa Siešnsa, člena pieradvybarnaj kamandy Džefry Hordana, byłoha kansultanta Trampa Majkła Kaputa, zasnavalnika pryvatnaj vajennaj kampanii Blackwater Eryka Prynsa, biznes-partniora Trampa Fieliksa Sejtera.
