Pra čynoŭnikaŭ, chabar i «Raźbitaje serca pacana» — novy vypusk humarystyčnaha telešou «Chaj Tak» VIDEA
Kali čynoŭnik nie biare chabar — heta katastrofa dla rehijona dy chvaroba, pryčym zaraznaja. Śledčyja i ekśpierty śćviardžajuć heta ŭ satyryčnym repartažy novaha subotniaha šou Biełsata Chaj Tak TV.
Taksama ŭ novym vypusku Chaj Tak TV — hurt RSP i kaminh-aŭty jahonych udzielnikaŭ:
— jak budučyja zorki ŭ dziacinstvie adpomścili trenieru svajoj futbolnaj kamandy;
— teatr dy muzyka — heta tolki prykryćcio. Čym nasamreč zarablajuć udzielniki RSP;
— premjera ščyraj pieśni pra ŭciuchvańnie kvitkoŭ praz Kufar dy Ubier.
Novaje satyryčnaje šou Chaj Tak TV vychodzić na Biełsacie ad vieraśnia. Upieršyniu ŭ telefarmacie — pra Biełaruś, pa-biełarusku i biez cenzury. Bo najlepšym lekam ad palityčna-ekanamičnych frustracyj źjaŭlajecca śmiech. A najlepšy śmiech — heta śmiech ź siabie.
Pavodle kancepcyi, Chaj Tak TV — heta samy padpolny biełaruski telekanał, jašče bolš padpolny, čym Biełsat. Sa studyi, jakaja raźmiaščajecca «ŭ nieviadomym miescy», Chaj Tak TV štosuboty a 20.30 pirackim čynam uryvajecca na efirnyja chvali Biełsata. A troje jahonych viadoŭcaŭ — śmiełyja i bieskampramisnyja Sieva Ścieburaka, Dźmitry Jesianievič i Jaŭhien Baryšnikaŭ — kamientujuć biełaruskuju rečaisnaść całkam pa-novamu: praz daviadzieńnie da poŭnaha absurdu.
U kožnym paŭhadzinnym vypusku — skietčy, repartažy dy apytanki, abmierkavanie navinaŭ i razmova z hościem. Za efiram nazirajuć «supracoŭniki śpiecsłužbaŭ», ale nieviadoma katorych i nieviadoma dla čaho — ci to kuryrujuć novy prajekt, ci to sočać za im.
U sakretnuju studyju padpolnaha TB prychodziać biełaruskija zorki — tut byli Viktar Marcinovič, Adam Hłobus, Palina Respublika, Pavieł Charłančuk, a taksama mnohija inšyja. I nichto z haściej nie viedaje, da čaho ich zmusiać viadoŭcy ŭ efiry.
