Hienieralnym sakratarom CHDS Hiermanii staŭ 33-hadovy Paŭl Cymiak
Kiraŭnik Junge Union, moładzievaha kryła hiermanskaha Chryścijanska-demakratyčnaha sajuza, 33-hadovy Paŭl Cymiak staŭ novym hienieralnym sakratarom partyi.
Za jaho kandydaturu 8 śniežnia prahałasavali 62% delehataŭ źjezda kansiervataraŭ, jaki prachodzić u Hamburhu, paviedamiła TASS sa spasyłkaj na centralnyja telekanały FRH.
Pasada hienieralnaha sakratara akazałasia vakantnaj paśla taho, jak Aniehret Kramp-Karenbauer była abranaja staršynioj CHDS, źmianiŭšy na pasadzie Anhiełu Mierkiel.
Palityka Cymiaka blizkaja da pohladaŭ pradstaŭnika kansiervatyŭnaha kryła partyi Jensa Špana, jaki napiaredadni prajhraŭ baraćbu za pasadu staršyni. Ličycca, što Kramp- Karejenbauer svaim vybaram pasprabuje praduchilić raskoł pamiž kansiervatarami i centrystami ŭ CHDS. Miascovyja naziralniki paličyli kandydaturu Cymiaka niečakanaj.
Drukujecca ŭ miežach śpiecyjalnaj rubryki «Naviny Hiermanii»