Akcyi suprać pavyšeńnia cen na bienzin u Francyi pieraraśli ŭ pratest suprać prezidenta Makrona FOTY, VIDEA
Fota: @MatMolard
Paśla taho, jak francuzski ŭrad abvieściŭ maratoryj na pavyšeńnie padatku na paliva, mitynhoŭcy stali pratestavać u cełym suprać reform urada i prezidenta krainy Emmaniuela Makrona, miarkuje vydańnie Deutsche Welle.
"Emmanuel Macron on va tout casser chez toi" pic.twitter.com/ymAXtTFhDY
Pratesty, što pačalisia praz namier uładaŭ ŭvieści padatak, jaki pryviadzie da pavyšeńnia koštaŭ na aŭtamabilnaje paliva, praciahvajucca ŭžo čaćviorty tydzień. Admietnaściu akcyj pratestu stali kamizelki, jakija nosiać ŭdzielniki akcyi. Z hetaj pryčyny padziei ŭ Francyi atrymali nazvu «pratesty žoŭtych kamizelek»
U subotu, 8 śniežnia, tolki ŭ Paryžy byli zatrymanyja bolš za 730 čałaviek. 550 ź ich uziali pad vartu, paviedamlaje RFI. U vyniku sutyknieńniaŭ 55 čałaviek atrymali ranieńni. Palicyja vykarystała ślezaciečny haz i vadamioty.
Baricade végétale en construction. pic.twitter.com/sR6JQV4MxJ
Kala pałovy zatrymańniaŭ praviali jašče ranicaj: palicyja pierachapiła chulihanaŭ, jakija jechali ŭ horad z uskrain i vieźli z saboj bity, šary dla pietanka (pravansalski sport) i supraćhazy.
Fota: PREFECTURE DE POLICE DE PARIS
Adzin z udzielnikaŭ ruchu «žoŭtych kamizelek» Eryk Drue raźmiaściŭ u sacyjalnych sietkach videazvarot z zaklikam sabracca «kala ŭradavych budynkaŭ». «U nastupnuju subotu ŭsio budzie viadoma. U nastupnuju subotu my atrymajem kančatkovy vynik. U subotu my ŭsie voźmiem miortvaj chvatkaj i budziem sami prymać rašeńni». Toj ža zaklik hety jon paŭtaryŭ na kanale BFMTV, jaki karystajecca upłyvam na ŭdzielnikaŭ pratestaŭ.
Ułady na zaklik «uziać Jelisiejski» adkazali źjaŭleńniem branievikoŭ na vulicach Paryža.
⚠️ GILETS JAUNES : Barricades en feu boulevard Sébastopol à #Paris. Les blindés entrent en action. #8Decembre#GiletsJaunes#YellowVestspic.twitter.com/NiLDF17M4G
Adbylisia sutyknieńni pamiž demanstrantami i palicyjaj. Pavodle pravaachoŭnych orhanaŭ, u akcyi na Jelisiejskich palach ŭdzielničali kala 1,5 tysiačy čałaviek. Paśla taho jak demanstranty pačali kidać u palicyjantaŭ pietardy i inšyja pradmiety, pravaachoŭniki vykarastali ślozaciečny haz, vadamioty i śviatłahukavyja hranaty. Heta adbyłosia ŭ adnym z zavułkaŭ u rajonie Tryŭmfalnaj arki z metaj strymać sotni pratestujučych.
Pravaachoŭnyja orhany zachoŭvali kantrol nad situacyjaj amal ceły dzień — aktyvisty pačali hramić kramy i palić mašyny tolki bližej da viečara.
This is what happens when you try to take the national identities away from people.
This is the real resistance, resist globalism. pic.twitter.com/blereeBapY
U sacyjalnych sietkach źjaviłasia videa z kramy tavaraŭ dla holfa, jakuju razhramili siońnia pratestoŭcy. Vokny bjuć mienavita kluškami.
Most of the looting and property destruction I see is by people not wearing yellow vests. They just turned up for a riot. #GiletsJaunespic.twitter.com/LTIMldhEu1
With Silver sitting at 85 to 1 (gold-to-silver) What is in your wallet?
Socialism making everyone desperate. (Got silver?)
These are not political extremists protesting, they're average citizens. This is the real resistance, resist socialism. pic.twitter.com/Qre4Zhk2lb
U Jelisiejskim pałacy nie prakamientavali akcyi pratestu. Emmaniuel Makron vystupić na pačatku pracoŭnaha tydnia.
Pratesty prajšli i ŭ inšych haradach Francyi. Pa ŭsioj krainie byli ŭzmocnienyja miery biaśpieki, ich zabiaśpiečvali kala 89 tysiač palicyjantaŭ, ź ich kala 8 tysiač — u Paryžy.
U krainie začynienyja słavutaści, u tym liku paryžski Panteon, Sabor Paryžskaj Božaj Maci, Ejfieleva vieža, Łuŭr.
U Lijonie akcyi «žoŭtych kamizelek» pastavili pad pahrozu praviadzieńnie štohadovaha fiestyvalu «Śviata śviatła», a ŭ Bardo, Tułuzie i Strasburhu palicyi pryjšłosia prymianić ślezaciečny haz.
Admienieny abo pieraniesieny i šerah spartyŭnych mierapryjemstvaŭ, uklučajučy matčy futbolnaha čempijanatu Francyi.
Usiaho, pavodle francuzskich uładaŭ, na akcyi «žoŭtych kamizelek» pa ŭsioj Francyi vyjšli bolš za 77 tysiač čałaviek. Kala 1000 udzielnikaŭ pratestaŭ užo zatrymanyja.
Akramia taho, akcyi pratestu adbylisia ŭ Bielhii i Niderłandach. U Bruseli byli zatrymanyja, pa mienšaj miery, 70 čałaviek, što stała «previentyŭnaj mieraj». U pratestnych akcyjach u centry Brusela ŭdzielničali niekalki dziasiatkaŭ aktyvistaŭ «žoŭtych kamizelek». Pry hetym demanstracyi prachodzili mirna, ale vyklikali parušeńni ruchu transpartu. Na ŭschodzie krainy demanstranty ŭ znak pratestu pierakryli trasu Je40, jakaja viadzie ŭ Francyju. U akcyjach «žoŭtych kamizelek» u Niderłandach ŭdzielničali niekalki sotniaŭ čałaviek, pra zatrymańni nie paviedamlajecca.