Stała viadoma, kali adramantujuć padviesnuju stol i adkryjuć «Arena-Sici»
Skončyć ramont padviesnaj stoli ŭ TC «Arena-Sici» i adkryć handlovy centr całkam płanujecca da 25 śniežnia. Jak pieradajuć «Minsk-Naviny», pra heta paviedamiŭ padčas pramoj linii namieśnik staršyni Minharvykankama Viktar Łapcieŭ.
Łapcieŭ dadaŭ, što pracy na abjekcie viaducca ŭ kruhłasutačnym režymie. U dzionnuju źmienu ŭ ramoncie zadziejničana 65 čałaviek, u načnuju — 40. Užo adnoŭlena, atynkavana i afarbavana kala 1 tysiačy kvadratnych mietraŭ stoli. Usiaho paśla abvału nieabchodna adnavić 6 tysiač kvadratnych mietraŭ stoli.
Pakul što ŭ handlova-zabaŭlalnym centry funkcyjanujuć charčovy mahazin, fitnies-centr i parkinh. Čakajecca, što 25 śniežnia adkryjucca i astatnija abjekty.
Stol u TC «Arena-Sici» abvaliłasia 12 listapada. Paśla hetaha było pryniata rašeńnie pravieryć usie anałahičnyja kanstrukcyi ŭ handlovych abjektach horada. Pravierka praciahvajecca.
U minskim handlovym centry «Arena-Sici» abvaliłasia stol, jość paciarpiełyja
