Chłopiec z Kobryna chacieŭ na Bahamy, a trapiŭ na hrošy
flickr.com
28-hadovy chłopiec z Kobryna staŭ achviaraj internet-ašukancaŭ, paviedamlaje pres-słužba milicyi.
Kobryniec hulaje ŭ anłajn-pokier, u adzin ź dzion listapada jon vyjhraŭ adzin z etapaŭ. Pieramožcu apłačvaŭsia pieralot na Bahamskija vyspy dla praviadzieńnia nastupnaha etapu hulni ŭ anłajn-pokier.
Chłopiec płanavaŭ atrymać tranzitnuju vizu ŭ ZŠA i zabraniravaŭ avijabilety. Atrymaŭšy admovu ab pradastaŭleńni jamu amierykanskaj tranzitnaj vizy małady čałaviek vyrašyŭ spłanavać svoj pieralot praź inšyja krainy.
Na adnym ź internet-forumaŭ hulni ŭ pokier jon napisaŭ karystalnikam jak možna dabracca na Bahamskija vyspy?
U čacie jamu adkazała dziaŭčyna, jakaja znachodziłasia na forumie šmat hadoŭ. Praź niekalki dzion złamyśniki ŭbačyli pierapisku i ŭskryli jaje skajp. Dziejničajučy ad imia dziaŭčyny, ašukancy pierakanali jaho, što dapamohuć zabraniravać kvitki i zrabić vizy praz dla pieralotu na Bahamy praz Kubu. Usiaho paciarpieły pieraličyŭ kala 2800 dalaraŭ.
