Rasijski Pieršy kanał vybačyŭsia za siužet z padstaŭnym udzielnikam Jeŭramajdanu
Pieršy kanał prynios prabačeńni za siužet pra hadavinu Jeŭramajdanu, dzie pad vyhladam ŭdzielnika tych padziej Kiryły Čubienka źniaŭsia biełarus Vital Jurčanka. Pres-reliz kanała cytuje TASS.
Pieršy kanał zajaviŭ, što intervju z padstaŭnym udzielnikam Jeŭramajdanu zapisali strynhiery, bo štatnyja žurnalisty kanała «nie majuć mahčymaści pracavać va Ukrainie». «Strynhiery pryznali, što sapraŭdy źniali svajho znajomaha, bo zdymka hetaha intervju była zroblena z techničnym brakam, a siužet treba było terminova zdavać», — zajaviŭ Pieršy kanał.
Pa słovach strynhiera, jany paprasili inšaha čałavieka sapraŭdy prajhrać adkazy sapraŭdnaha Kiryły Čubienki. «Heta nijak nie apraŭdvaje ich ŭčynku, jany ŭžo prynieśli prabačeńni kanału i hatovyja vybačycca pierad hledačami. My čakajem heta videa i adrazu jaho apublikujem», — zajaviŭ Pieršy kanał.