Biełaruskich muzykaŭ zaprašajuć uziać udzieł u francuzskim fiestyvali
Kamanda Aix'Qui? (E'Ki?) zaprašaje maładych muzykantaŭ ź Biełarusi ŭziać udzieł u sustrečy hurtoŭ z usiaho śvietu. Kalektyvy, jakija prajaviać siabie, atrymajuć mahčymaść zapisać pieśniu i vystupić na maštabnym fiestyvali Class'EuRock u francuzskich Alpach.
Što prapanuje Aix'Qui? (E'Ki?)
Voś užo kolki dziasiatkaŭ hadoŭ francuzskaja inicyjatyva Aix'Qui? (E'Ki?) źbiraje muzykaŭ-pačatkoŭcaŭ z roznych kutkoŭ płaniety. Arhanizacyja daje mahčymaść dla prafiesijnaha ŭdaskanaleńnia maładych hurtoŭ.
U jeŭrapiejskich krainach, u tym liku i ŭ Biełarusi, nie chapaje placovak, dzie maładyja ludzi mahli b zajmacca muzykaj. A sumiesnaje stvareńnie praduktu - heta ž unikalny dośvied. Hurty stanoviacca ŭdzielnikami adnaho tvorčaha pracesu.
Pakazać svaje dasiahnieńni muzyki-pačatkoŭcy mohuć na štohadovym fiestyvali Class'EuRock. Jon pravodzicca jak finalnaje mierapryjemstva prahramy rezidencyi Aix'Qui? (E'Ki?).
Jak padać zajaŭku na ŭdzieł?
Kali ŭ vas jość svoj muzyčna hurt i vy chočacie zajavić pra siabie, śmieła padavajcie zajaŭku na ŭdzieł. Zrabić heta možna kruhły hod. Padrabiaznaści - na aficyjnym sajcie prajekta.
Arhanizatary prapanujuć roznyja moduli supravadžeńnia ŭdzielnikaŭ: ad apłaty prajezdu i pražyvańnia da poŭnaha kuryravańnia kalektyvu na praciahu hoda.
U 2018 zajaŭki na ŭdzieł padali bolš jak 150 muzyčnych hurtoŭ. Paśla prafiesijnaha adboru siem pieramožcaŭ praviali tydzień rezidencyi ŭ Alpach. Jany šmat repietavali, udaskanalvali svajo muzyčnaje majsterstva, razmaŭlali, abmieńvalisia dośviedam. Akramia taho, kožny ź siami hurtoŭ u abstalavanaj studyi i pad mientorstvam prafiesijanałaŭ zapisała adnu sa svaich piesień.
Finalnaje mierapryjemstva: vizualizacyja zroblenaj raboty
Pieramožcami prahramy hetaha hoda stali B-Side, Steel Tails, Sem L'Ours, MRS Corp, Time Structure, Fallen Resonance, Reverence. Jany prezientavali svaju tvorčaść na vialikim fiestyvali Class'EuRock, jaki adbyŭsia ŭ Francyi červieni 2018 hoda. Muzyki vystupali na prafiesijnaj scenie pierad tysiačami hledačoŭ.
Taksama paradavali publiku svaimi kampazicyjami i šou mientary prajekta - francuzskaja hrupa Ramoneurs de Menhirs, kampazicyi jakich napisany na miažy kielckich narodnych piesień i pank-roku.
Fiestyval doŭžyŭsia ad šostaj viečara da poźniaj nočy, uvachod byŭ volny.
Biarycie ŭdzieł u prahramie Aix'Qui? (E'Ki?) i dałučajciesia da daśviedčanych i maładych muzykaŭ na Class'EuRock.
Heta vydatnaja mahčymaść zajavić pra siabie, atrymać paradu prafiesijanałaŭ, zavieści novyja znajomstvy i prosta dobra pravieści čas z adnadumcami z usich krain Jeŭropy.