Paplečnik Chadarkoŭskaha pryznaŭsia ŭ lubovi da Biełarusi
Leanid Nieŭźlin, jakoha ličać «pravaj rukoj» apalnaha rasijskaha aliharcha, zrabiŭ kranalny dopis u svaim telehram-kanale.
Voś što napisaŭ viadomy biźniesoviec (ciapier žyvie ŭ Izraili) pra našuju krainu ŭ svaim telehram-kanale:
«Biełaruś — maja luboŭ. Usie maje prodki adtul. Ja ŭ svoj čas vyrašyŭ «dakapacca» da karanioŭ, i zamoviŭ daśledavańnie pa historyi majoj siamji i adnačasova pa historyi ŭschodniaj Biełarusi — miaścinaŭ maich prodkaŭ. Atrymaŭsia vielmi źmiastoŭny i pryhožy dvuchtomnik na ruskaj movie dla mianie, majoj siamji, blizkich i siabroŭ.»
«My z chasidaŭ pa viersii zasnavalnika chasidyzmu Baal Šem Toŭ. Ja navat naradziŭsia ź im u adzin dzień, praŭda, na šmat hadoŭ paźniej».
Nieŭźlin taksama kaža, što dasyłaŭ hetuju knihu ŭ roznyja krainy, i tolki ŭ Maskvu anivodnaja ź ich nie dajšła.
«Vielmi chaču tudy, — piša jon pra Biełaruś i raźmiaščaje videarolik pra biełaruskija cikavostki, — ale, na žal, pakul nie mahu. Pahladzicie, jak tam pryhoža».
Pakazalna, što Nieŭźlin vykarystoŭvaje formu «Biełaruś» zamiest «Biełoruśsija».