U Maskvie zahinuŭ 18-hadovy futbalist — jon napiŭsia i zamiorz
Paŭabaronca moładzievaha składu rasijskaha futbolnaha kłuba «Łakamatyŭ» 18-hadovy Alaksiej Łamakin znojdzieny miortvym u Maskvie.
Pavodle «Maskoŭskaha kamsamolca», Łamakina znajšli 3 śniežnia — jon zamiorz naśmierć.
Maci futbalista źviarnułasia ŭ palicyju, raspavioŭšy, što 30 listapada jon źjechaŭ na miedycynskija pracedury ŭ adzin sa spartyŭnych centraŭ kłuba, dzie pieranačavaŭ, a zatym pierastaŭ vychodzić na suviaź.
Jaho telefon źjaviŭsia ŭ sietcy tolki 2 śniežnia. Maci futbalista vyśvietliła, što jon zabyŭsia jaho ŭ rukzaku ŭ sałonie taksi, u jakim jechaŭ sa svaim siabram Ivanam. Toj raspavioŭ, što jany razam pili śpirtnoje, ale nie pamiataje, dzie bavili čas.
U zajavie ŭ palicyju maci Łamakina adznačyła, što jaje syn «časam užyvaje miedycynski preparat «Trapikamid», ad jakoha pavodziny jaho stanovicca nieadekvatnym».
