U Ńju-Jorku prajšła prezientacyja knihi pra Ramana Skirmunta
Aleś Smalančuk fota Siarhieja Tryhuboviča
Prezientacyja manahrafii doktara histaryčnych navuk Alaksandra Smalenčuka «Raman Skirmunt (1868 — 1939): žyćciapis hramadzianina kraju» 1 śniežnia prajšła ŭ Ńju Jorku, u Biełaruskaj fundacyi Kračeŭskaha. Aŭtar pracavaŭ nad hetym daśledavańniem bolš jak dvaccać hadoŭ.
Na sustreču sa słavutym historykam pryjšli ńjujorkaŭskija biełarusy roznych «chvalaŭ emihracyi». Fundacyja Kračeŭskaha, jakaja ŭ nastupnym hodzie adznačyć svajo 60-hodździe, apošnim časam robicca ŭsio bolš dynamičnaj, dziakujučy ažyćcioŭlenaj Radaj dyrektaroŭ źmienie jaje statusa na bolš spryjalny dla aśvietnickaj pracy. Biełaruski Instytut Ameryki, stvorany byłymi vypusknikami Jeŭrapiejskaha humanitarnaha univiersitetu, raspačaŭ tut šerah svaich prajektaŭ, jakija buduć pašyrać viedy pra Biełaruś u Złučanych Štatach dy hurtavać moładź na hruncie nacyjanalnych tradycyj, movy, historyi dy kultury.
Raniej prezientacyja knihi pra Ramana Skirmunta adbyłasia ŭ Harodni, Minsku, Varšavie.
Prafiesar Alaksandar Smalenčuk pradstaviŭ taksama ŭ Biełaruskaj fundacyi Kračeŭskaha kalektyŭny zbornik «Masavyja represii ŭ SSSR u histaryčnych daśledavańniach i kalektyŭnaj pamiaci», u jaki ŭkładziena niemałaja jahonaja praca. Abiedźvie knihi vyjšli sioleta ŭ Minsku (vydaviec Źmicier Kołas).
Na sustrečy vystupiła i Taćciana Niadbaj, staršynia Biełaruskaha PEN-centru, jakaja ciapier znachodzicca ŭ Ńju Jorku i zavitała ŭ Biełaruskuju fundacyju, kab raspavieści pra svaju pracu.
Paśla vystupaŭ haściej adbyłasia ažyŭlenaja havorka pamiž prysutnymi pry tradycyjnym pačastunku, ščaśliŭčyki atrymali aŭtohrafy Alaksandra Smalenčuka na novych knihach.
