Kampaniju Knyroviča pryznali bankrutam. Jaje čakaje likvidacyja
Fota Ułada Šviadoviča
Ekanamičny sud Minskaj vobłaści pryznaŭ kampaniju «SarmatTerma-Inžynirynh» bankrutam i adkryŭ likvidacyjnuju vytvorčaść da 19 listapada 2019 hoda. Heta vynikaje ź infarmacyi na sajcie Adzinaha dziaržrejestra źviestak ab bankructvie.
Sprava ab bankructvie STI była zaviedziena ŭ studzieni 2018 hoda. Heta adbyłosia praź niekalki miesiacaŭ paśla taho, jak saŭładalnik kampanii Alaksandr Knyrovič byŭ prysudžany da 5 hadoŭ pazbaŭleńnia voli za ŭchileńnie ad vypłaty padatkaŭ i daču chabaru.
U materyjałach suda havorycca, što «SarmatTerma-Inžynirynh» vystaŭlenyja patrabavańni kredytoraŭ na 11,3 miljonaŭ rubloŭ.
U vyniku analizu finansavaha stanu daŭžnika kiraŭnikam zroblenyja vysnovy ab jaho ustojlivaj niepłaciežazdolnaści i niemahčymaści vykanańnia dadzienych abaviazacielstvaŭ, heta značyć majucca padstavy dla adkryćcia likvidacyjnaha viadzieńnia.
Schod kredytoraŭ zaćvierdziŭ płan likvidacyi.
