U centry Minska projdzie viečarynka na kańkach
U pieršuju zimovuju noč na ladovym katku kala Pałaca sportu «Śviaty istočnik» adkryje načny kłub z dydžejem, vodnymi barmienami i tancorami na kańkach. Dla taho, kab patrapić na treniroŭku pa fihurnym katańni ŭ farmacie ajs-viečarynki, treba pakinuć zajaŭku na ice-challenge.by.
Arhanizatary čakajuć haściej a 23:00, 23:40 i 00:20. Dla kožnaha načnoha sieansu na lodzie zabraniravana pa 100 miescaŭ i pa stolki ž par kańkoŭ. Dla ŭdzielnikaŭ, jakija nie zarehistravalisia na sajcie, uvachodnym kvitkom stanie svaja para kańkoŭ, a trapić na viečarynu jany zmohuć pa žyvoj čarzie.
U 2019 hodzie ŭ Biełarusi ŭpieršyniu projdzie čempijanat Jeŭropy pa fihurnym katańni. Napiaredadni maštabnaha spartyŭnaha spabornictva jaho hałoŭny vodny partnior «Śviaty istočnik» razam ź Biełaruskim sajuzam kańkabiežcaŭ arhanizavali prajekt «Ajs-čelendž» — sieryju trenirovak, jakija dapamahajuć minčanam zrabić pieršy krok u fihurnaje katańnie, a tym, chto ŭžo ŭpeŭniena staić na kańkach, vyvučyć novyja elemienty.
U minułuju subotu ŭ miežach prajekta prajšła treniroŭka dla pačatkoŭcaŭ, na jakoj adnačasova bolš za 100 minčukoŭ upieršyniu vyjšli na lod. U hetyja vychadnyja na katok vyrašyli zaprasić staličnych tusoŭščykaŭ. Im prapanujuć u noč z 1 na 2 śniežnia admovicca ad pachodu pa kłubach na karyść viečarynki, na jakoj možna złučyć zvykły farmat subotniaha adpačynku z karysnaj spartovaj zabavaj.
«My zapuścili sieryju trenirovak u miežach «Ajs-čelendž», kab pakazać biełarusam, što časam zrabić krok da novaj karysnaj zvyčki značna praściej, čym zdajecca, — raspaviadaje Dzianis Krupiec, pradstaŭnik brenda «Śviaty istočnik» i arhanizatar prajekta «Ajs-čelendž». — Ciapier u Minsku bolš za 40 kłubaŭ i ŭsiaho 8 katkoŭ, tamu bolšaść maładych minčan ujaŭlajuć sabie adpačynak u centry horada, chutčej, jak niešta šumnaje, ale nie karysnaje. My vyrašyli złamać hety stereatyp i pakazać, što farmat viečarynki možna złučyć z aktyŭnymi zabavami, naprykład — fihurnym katańniem. Dla tych, chto ŭžo daŭno płanuje stać na lod, pieršy dzień zimy moža stać vydatnaj padstavaj dla karysnych źmienaŭ».
Na katku kala Pałaca sportu arhanizatary abiacajuć stvaryć atmaśfieru sapraŭdnaha načnoha kłuba. Dla hetaha tut ŭstalujuć śvietłavyja harmaty i pražektary, a barmenaŭ pastaviać na kańki.
Za muzyku ŭ hety viečar budzie adkazvać prafiesijny dydžej, a zamović lubimuju pieśniu možna adrazu pry rehistracyi na ice-challenge.by. Top-40 samych papularnych u minčukoŭ trekaŭ prahučyć padčas viečaryny.
U centry katka raźmieściać impravizavany bar — water point. Tut zamiest zvykłaha dla kłuba kaktejlu vodny barmen pačastuje kožnaha ŭdzielnika treniroŭki butelečkaj pryrodnaj pitnoj vady «Śviaty istočnik», kab pačać pić pa 2 litry vady ŭ dzień užo na viečarynie. Usich udzielnikaŭ treniroŭki biaspłatna zabiaśpiečać kańkami — pamiery prapanujuć ad 32 da 46.
Treniroŭki ŭ miežach prajekta «Ajs-čelendž» matyvujuć minčan na karysnyja źmieny ŭ sabie, a taksama pryciahvajuć uvahu da čempijanatu Jeŭropy pa fihurnym katańni, jaki projdzie ŭ Minsku z 21 pa 27 studzienia. Płanujecca, što ŭ biełaruskuju stalicu pryjeduć kala sta prafiesijnych spartsmienaŭ, siarod jakich zorki suśvietnaha fihurnaha katańnia.
