Pradukty, jakija dapamohuć sahrecca ŭ maroz
Ciapło pavinna iści znutry. Kali brakuje vitaminaŭ, kali prablemy z sasudami, nie dapamohuć navat samyja ciopłyja boty i futry. A ŭžo kali vam nie chapaje enierhii dla abahravańnia, tut užo zusim biada, piša msn.com.
Fota: wikipedia.org.
Tamu ŭzimku treba jeści nie tolki vielmi kałaryjnyja pradukty, a samyja kałaryjnyja — heta pradukty tłustyja, bo 1 hram tłuščaŭ daje nam 9 Kkał, a 1 hram vuhlavodaŭ ci białkoŭ — 4 Kkał. Tamu ŭ chałodnyja dni treba nie bajacca tłuščaŭ, a naadvarot, uklučać ich u racyjon.
Taksama abaviazkova źviarnicie ŭvahu na pradukty, bahatyja na vitaminy S, B, A. Nieabchodnyja arhanizmu ŭ maroz jod, kalij, mahnij, aminakisłoty.
Hrečka
Źmiaščaje rutyn, jaki nieabchodny dla dobraha krovazvarotu i zdarovych ełastyčnych sasudaŭ. Akramia taho, rutyn uzmacniaje dziejańnie inšych karysnych elemientaŭ, naprykład vitaminu S. U hrečcy jość vialikaja kolkaść białku i niezamiennyja aminakisłoty, u pryvatnaści tryptafan, patrebny dla dobraha nastroju.
Sała
Buterbrod z paraj kavałačkaŭ sała navat lepš sahravaje, čym adbiŭnaja. Heta i białok, i tłušč, tak nieabchodny nam u marazy. Darečy, u sale prysutničaje adna z samych kaštoŭnych tłustych kisłot — polinienasyčanaja arachidonavaja. Ni ŭ jakim inšym pradukcie jaje niama. Hetaja kisłata rehuluje pracu serca, kantraluje chalesterynavy i harmanalny abmien, a taksama pavyšaje imunitet.
Kvašanaja kapusta
Asnoŭnaja i niezamiennaja zimovaja krynica vitamina S. Jaki, u svaju čarhu, badzioryć i palapšaje krovazvarot. Kapusta pavyšaje imunitet i stresaŭstojlivaść arhanizma, spryjaje amaładžeńniu tkanak.
Tłustaja ptuška
Miasa husiej i kačak u zimovy čas vystupić jak sapraŭdnaja hrełka. Jano i kałaryjnaje, i białku, nieabchodnaha ŭ choład, utrymlivaje šmat, i da taho ž tłustaje. Akramia taho, u husinym miasie ŭtrymoŭvajecca vielmi šmat karysnych rečyvaŭ: kalcyj, cynk, žaleza, vitaminy hrupy B (V6, V1, V2), vitaminy A i S. Rehularnaje ŭžyvańnie husiaciny supakoić straŭnik, ačyścić arhanizm ad taksinaŭ, pazbavić ad dyjarei, vylečyć parušeńni pracy sielazionki.
Hranat
Jarkaje čyrvonaje nasieńnie treba vykarystoŭvać nie tolki jak ŭpryhožańnie dla płovu ci sałaty. Hranat treba ŭvieści ŭ svoj racyjon na pastajannaj asnovie ŭ chałodnuju paru hoda. Hety frukt — adna z najlepšych krynic vitaminu S, jon abaraniaje ad prastud i infiekcyj, stanoŭča ŭpłyvaje na krovazvarot. Akramia taho, hranat umacoŭvaje drobnyja kryvianosnyja sasudy.
Marskaja kapusta
Kali nie chapaje jodu, to vy ŭvieś čas budziecie mierznuć. Navat u adnosna ciopłym pamiaškańni. Z dapamohaj marskoj kapusty vy zmožacie dapoŭnić niedachop hetaha važnaha elemienta, a taksama nazapasicca patrebnymi vitaminami (naprykład, hrupy B) i pavysić svoj imunitet.
Tłustaja ryba
Adzin ź vielmi važnych praduktaŭ dla našaha racyjonu, asabliva racyjonu zimovaha. Ryba papaŭniaje našu siezonny niedachop vitaminu D. Jon nieabchodny, kab zasvojvaŭsia kalcyj. Ale nie tolki. Tłustaja ryba ŭpłyvaje na naš nastroj, dziakujučy joj idzie vypracoŭka sierataninu z aminakisłaty tryptafanu.
Aŭsianka
Złaki vielmi važnyja dla narmalnaha samaadčuvańnia ŭ chałodnuju paru hoda, bo jany ŭtrymlivajuć vitaminy hrupy B. Hetyja vitaminy zaradžajuć nas dobrym nastrojem i padtrymlivajuć mozh u badziorym stanie, niahledziačy na karotki śvietłavy dzień. Akramia taho, aŭsianka maje składanyja vuhlavody, jakija buduć pracavać doŭha i sahravać nas jak minimum pałovu dnia. Tak što aŭsianaja kaša na śniadanak — vydatnaja ideja dla chałodnaha dnia.
Bulba i inšyja karniapłody
Kali jość prablemy z sasudami, to, chutčej za ŭsio, pieršymi buduć pakutavać palcy ruk i noh, jany dalej ad serca, i ciapło da ich nie dabirajecca. Dapamoža padtrymać sasudy bulba. Jana źmiaščaje vitamin S i kalij. Akramia taho, bulba davoli kałaryjnaja, što dazvolić vam doŭha nie adčuvać pačućcio hoładu.
