«Ja žyvu ŭ toj Biełarusi, jakuju pakazvajuć pa BT». Žorstki «Tok» z Hienadziem Davydźkam VIDEA
Hieroj čaćviortaha vypusku prahramy «Tok/Talk» z Adarjaj Huštyn — Hienadź Davydźka.
Hienadź Davydźka. Fota Voli Aficeravaj.
Ciapier jon kiruje «Biełaj Ruśsiu» — «partyjaj ułady», jakaja nijak nie moža stać partyjaj. Ale viadomaść i paznavalnaść nabyŭ za siem hadoŭ pracy na čale Biełteleradyjokampanii. Davydźka spryčyniŭsia da stvareńnia prapahandysckich filmaŭ «Žalezam pa škle» i «Bieły lehijon čornych duš» — i nie škaduje pra heta.
A jašče raniej jon byŭ artystam Kupałaŭskaha teatra, jaki vieryŭ u ideały nacyjanalnaha adradžeńnia. Davydźka — sakratar partyjnaj arhanizacyi — padtrymaŭ idei BNF i pakazalna vyjšaŭ z Kampartyi…
U novaj prahramie «NN» Davydźka raskazvaje pra svaju pracu ŭ Kupałaŭskim i siabroŭstva ź Niaklajevym, prapahandu na telebačańni i staŭleńnie da prastytucyi, budoŭlu katedža ŭ Drazdach i svoj zarobak.
«Biełaruś — heta raj», — pierakanany Davydźka, jaki pravioŭ dziacinstva na Kałymie. Heta pieršy «Tok», u jakim hieroj prahramy adkazvaŭ na pytańni pa-biełarusku.
00:32 — pra samy ščaślivy dzień — dzień, kali Davydźku pryniali ŭ Kupałaŭski teatr
5:17 — pra čas, kali Davydźka padtrymlivaŭ idei BNF i nasiŭ BČB-ściah
9:43 — za kaho hałasavaŭ u 1994-m hodzie
11:51 — pra kolišnija ambicyi być ministram kultury
13:38 — chto i jak prapanavaŭ ahučyć film «Žalezam pa škle» i ci byli vahańni
17:00 — pra siabroŭstva ź Niaklajevym
19:41 — pra film «Bieły lehijon», ideałahičnuju baraćbu i apazicyju
26:26 — staŭleńnie da rasijskich prapahandystaŭ Sałaŭjova i Kisialova
27:23 — ci varta čamuści vučycca ŭ krain-susiedziaŭ
29:10 — pra svabodu słova ŭ Biełarusi i zamiežnyja miedyja
30:38 — što budzie z BT, kali spynicca dziaržaŭnaje finansavańnie
32:19 — ab prapahandzie na telebačańni
35:54 — pra biudžet «Biełaj Rusi» i ŭłasny zarobak
38:40 — staŭleńnie da prastytucyi
31:31 — pra adnosiny z dačkoj
42:58 — pra dom u Drazdach
49:35 — staŭleńnie da Savieckaha Sajuza, represij i NKVD
55:22 — ab prapanovie milicyi zabaranić fatahrafavać ludziej u hramadskich miescach biez dazvołu
58:38 — pra luboŭ da Biełarusi
59:55 — Hienadź Davydźka: akcior ci čynoŭnik?
1:02:50 — Post Scriptum: što možna zrabić, kab nie zhubić biełaruskuju movu?