Kastusioŭ: Alternatyva aŭtarytaryzmu — nacyjanalnaja dziaržava
24 listapada Alaksandr Łukašenka padčas pryznačeńnia novym staršynioj Minharvykankama Anatola Sivaka zrabiŭ šerah zajavaŭ, u tym liku datyčna majučaj adbycca vybarčaj kampanii.
Siarod inšaha, Łukašenka zajaviŭ: «My pavinny padyści da vybaraŭ tak, kab u rozumach ludziej navat nie było alternatyvy».
Staršynia Partyi BNF Ryhor Kastusioŭ u kamientary pres-słužbie Partyi BNF nastupnym čynam prakamientavaŭ hetyja vykazvańni Alaksandra Łukašenki:
— Hetaja zajava, viadoma, skandalnaja i pakazalnaja. Zrazumieła, padčas vybarčaj kampanii my budziem źviartać uvahu mižnarodnych naziralnikaŭ na toje, što Łukašenka razdaje orhanam miascovaj ułady ŭkazańni datyčna viadzieńnia ahitacyi na karyść jaho pieraabrańnia.
Padobnyja zajavy buduć jaskravym śviedčańniem taho, što sistema miascovych savietaŭ i vykankamaŭ nasamreč nie jość realnym miascovym samakiravańniem, jakoje zaležyć ad voli ludziej, a jość tym, što nazyvajecca «viertykallu», heta značyć — instrumientam u rukach adzinaasobnaha kiraŭnika, vincikam u mašynie aŭtarytaryzmu.
Nam, biełarusam, hetaja ich rola naturalna viadomaja — miascovaje samakiravańnie było źniščana Łukašenkam ledź nie ŭ pieršuju čarhu paśla prychodu da ŭłady. Ale padobnymi zajavami kiraŭnik dziaržavy nahadvaje i źniešnim naziralnikam, jakim čynam i pry dapamozie jakich ludziej arhanizujucca vybary ŭ Biełarusi. Naturalna, my pryhadajem padobnaha kštałtu zajavy ŭ toj čas, kali Mienharvykankam budzie farmiravać vybarčyja kamisii, sa zvykłaj amal nulavoj prystunaściu apazicyi.
Ale aproč taho, u hetych zajavach jość i vyrazny ideałahičny aśpiekt. Łukašenka kaža, što kandydataŭ na vybarach moža być šmat, moža być alternatyva ŭ biuleteniach — ale alternatyvy nie pavinna być u rozumach ludziej.
Heta pryncypova važna: dla ciapierašniaj ułady (dakładniej, dla ludziej jakija zvyklisia što «ułada — heta my») nieistotna, što na vybarach buduć spračacca kandydaty na luby hust (mužčyny i žančyny, biznesoŭcy i kazaki, łysyja i brunety). Ale
dla ich istotna, kab ludzi, abmiarkoŭvajučy vyhlad i piersanalii kandydataŭ, nie zadumvalisia nad tym, što jość sapraŭdnym palityčnym vybaram. I ja kažu zaraz nie pra niejkija prahramnyja detali, jakija zvykłyja dla vybaraŭ u zdaŭna demakratyčnych krainach — ja kažu pra kaštoŭnasny vybar.
Partyja BNF uvasablaje tuju samuju alternatyvu, suprać jakoj Łukašenka daje instrukcyi novamu staršyni Mienharvykankama. BNF — za pravavuju dziaržavu, za dziaržavu demakratyčnuju, dzie ułada adkaznaja pierad ludźmi, dzie ŭłada źmianiajecca na asnovie adkrytaj vybarčaj kankurencyi. U takoj sistemie baraćba z karupcyjaj nie pieratvarajecca ŭ cyrkavuju kampaniju, kali praz dva hady karupcyjaniery pryznačajucca na novyja pasady. U takoj systemie nie narod baicca ŭłady, a ŭłada baicca narodu — bo antynarodnaja palityka budzie niemahčymaja i budzie pakaranaja. Hetaja systema ŭłady słužyć biełaruskamu narodu, a nie nabližanym da ŭłady hrupoŭkam ci asobam. Hetaja sistema ŭłady nazyvajecca nacyjanalnaj dziaržavaj, dzie ŭsio robicca na karyść biełarusaŭ. Heta nie prosta prahramnaja, a sistemnaja, kaštoŭnasnaja alternatyva aŭtarytaryzmu.
Alternatyva ciapierašniamu niepravavomu, aŭtarytarnamu režymu ŭ Biełarusi — heta biełaruskaja nacyjanalnaja dziaržava, demakratyčnaja, pravavaja dziaržava, dzie va ŭmovach volnaj kankurencyi palityčnych ideałohijaŭ vyznačajecca palityčny kurs.
Mienavita ŭ nacyjanalnaj biełaruskaj dziaržavie biełarusy mohuć realizavać sabie jak nacyja zhodna sa svaimi nacyjanalnymi intaresami. Mienavita heta jość alternatyvaj ciapierašniamu aŭtarytaryzmu — i mienavita heta ŭvasablaje Partyja BNF u svajoj palityčnaj prahramie.
Mienavita dziela hetaha Partyja BNF vyłučaje kandydataŭ u časie vybarčych kampanijaŭ — kab ludzi zadumalisia nad tym, što musić być alternatyvaj ciapierašniaj aŭtarytarnaj sistemie.
