Kafiein vyklikaje pamianšeńnie pamieru płodu ŭ ciažarnych
Foto: flickr.com
Kafiein vyklikaje pamianšeńnie pamieru płodu ŭ ciažarnych, śćviardžajuć irłandskija navukoŭcy. Vyniki ich daśledavańnia apublikavanyja ŭ American Journal of Clinical Nutrition, piša lenta.ru.
Śpiecyjalisty praanalizavali źviestki pra 941 maci i ich dziaciej. Amal u pałovy (48%) ciažarnych žančyn asnoŭnaj krynicaj kafieinu byŭ čaj, krychu bolš za treć (38%) pili kavu.
U vyniku navukoŭcy ŭbačyli takuju karcinu: ad kožnych lišnich sta milihramaŭ kafieinu za dzień padčas pieršaha trymiestra vaha novanarodžanaha mienšała na 72 hramy. Pamianšalisia taksama rost i daŭžynia akružnaści hałavy. Skaračaŭsia termin ciažarnaści.
U maci, jakija spažyvali šmat kafieinu, novanarodžanyja važyli na 170 hramaŭ mienš, čym u tych, chto piŭ kavu i harbatu ŭ nievialikaj kolkaści.
Navukoŭcy adznačajuć, što navat nievialikaja doza kafieinu ŭpłyvaje na płod.
