MNS za 100 tysiač dalaraŭ pradaje sakretny vajenny bunkier pad Kamiancom
MNS pradaje sakretny vajenny bunkier «Rubryka», raźmieščany ŭ Kamianieckim rajonie. Pieršapačatkovy košt — kala 100 tysiač dalaraŭ, piša sb.by.
Fota Valancina Ježałova
Pabudavany radyjocentr «Rubryka» ŭ kancy 1960-ch hadoŭ. U 1991 hodzie płanavałasia rekanstrukcyja abjekta. Častka abstalavańnia zavieźli ŭ Kamianiec. Ale na madernizacyi pastaviŭ kryž razvał SSSR.
«Rubryka» ŭ minułym — adna vajskovaja čaść i dva vuzły suviazi. Pieradatčyki raźmiaščalisia kala vioski Dvarcy Kamianieckaha rajona, a punkt kiravańnia — u pasiołku Pryaziorny. Pamiž imi amal tryccać kiłamietraŭ. «Rubryka», jakaja pieradavała sihnały, paraskradana, a taja, što prymała sihnały, da hetaha času na bałansie MNS.
Dziakujučy vyratavalnikam fartyfikacyjny budynak dla apieratyŭnaha składu zachavaŭsia amal u aryhinale.
U 2013 hodzie karespandentu «SB. Biełaruś siehodnia» pieršym z žurnalistaŭ udałosia spuścicca ŭ sakretny budynak na try pavierchi pad ziamloj. Kaliści pa kanałach «Rubryki» možna było trymać suviaź navat z Kubaj, zaraz tam ślady śpiešnaha sychodu vajskoŭcaŭ. Supierśviaź maŭčyć. Tamu, chto vyrašycca na kuplu, pryjdziecca adnaŭlać vientylacyju, vodazabieśpiačeńnie, aciapleńnie i zmahacca z hrybkom.
Pradstaŭnik UMNS pa Bresckaj vobłaści Alaksandr Lichno, kantaktnaja asoba dla suviazi z patencyjnymi pakupnikami, z sumam kanstatuje:-
— MNS hetaja «padvodnaja łodka» nie patrebna, heta bałast siońnia. Dali abjavu, ale pakul nichto nie telefanavaŭ i nie cikaviŭsia.
