Rasijski hienierał na čale Interpała: mahčymyja nastupstvy?
U sieradu ŭ Interpale abiaruć novaha kiraŭnika. Najlepšyja šancy zaniać hetuju pasadu maje rasijski hienierał-major palicyi Alaksandr Prakapčuk, piša bbc.com.
Ukrainskija MUS i pravaabaroncy ŭžo zajavili, što jaho pieramoha pieratvoryć Interpał u instrumient baraćby Kramla z palityčnymi apanientami za miažoj. Kijeŭ navat pahražaje prypynić siabroŭstva. U Rasii ž takija paproki nazvali čarhovaj prajavaj rusafobii.
Interpał — instrumient mižnarodnaha supracoŭnictva palicyi roznych krain, u tym liku mižnarodnaha vyšuku złačyncaŭ.
Da niadaŭniaha času ŭznačalvaŭ kitajec Men Chunvej. Ale ŭ kastryčniku jon syšoŭ u adstaŭku z-za rasśledavańnia, jakoje suprać jaho inicyjavali ŭ Kitai.
21 listapada Hienieralnaja asambleja Interpoła ŭ Dubai, maje abrać novaha kiraŭnika. Pretendentaŭ dvoje: rasijanin Alaksandr Prakapčuk, adzin z čatyroch vice-prezidentaŭ Interpała, i jaho kaleha Kim Jonh Jan z Paŭdniovaj Karei, jaki ciapier vykonvaje funkcyi kiraŭnika arhanizacyi.
Brytanskaja hazieta Times sa spasyłkaj na ŭłasnyja krynicy va ŭładzie napisała, što biezumoŭnym favarytam vybaraŭ źjaŭlajecca rasiejec.
Pryznačeńnie 56-hadovaha Prakapčuka moža aznačać «istotnuju pieramohu Kramla» — niahledziačy na toje što ŭ apošnija hady rasiejski ŭrad nie raz krytykavali za złoŭžyvańnie tak zvanymi «čyrvonymi ordarami» — mižnarodnymi zapytami ŭ Interpał na zatrymańnie jakoj-niebudź asoby, jakaja znachodzicca ŭ vyšuku, dadali brytanskija žurnalisty.
Alaksandr Prakapčuk naradziŭsia va Ukrainie, vučyŭsia ŭ Kijevie. Paśla pierajechaŭ u Maskvu. U 1990-ja hady pracavaŭ na mnohich pasadach u rasijskaj padatkovaj sistemie, a ŭ 2000-ch pierajšoŭ u orhany ŭnutranych spraŭ.
U 2003 hodzie prezident Rasii Uładzimir Pucin daŭ jamu zvańnie hienierał-majora milicyi (paśla zvańnie zamianili na «hienierał-majora palicyi»).
Ad 2006 hoda Alaksandr Prakapčuk pracavaŭ namieśnikam kiraŭnika rasijskaha biuro Interpała, a ŭ 2011 hodzie ŭznačaliŭ heta biuro.
«Udzielnik bajavych dziejańniaŭ», — havorycca ŭ aficyjnaj bijahrafii Prakapčuka. Praŭda, u jakich mienavita bajach jon udzielničaŭ, nie ŭdakładniajecca.
Ad 2014 hoda rasijanina vybrali ŭ vykankam Interpała. A z 2016 Alaksandr Prakapčuk staŭ tam vice-prezidentam.
Ministr unutranych spraŭ Ukrainy Arsien Avakaŭ nazvaŭ Prakapčuka «vieteranam zamiežnaj raźviedki Rasii».
A deputat Anton Hieraščanka detalizavaŭ: Prakapčuk pracavaŭ u KHB, a zatym — u stratehičnaj vyviedcy RF, dzie «zajmaŭsia špijanažam suprać ZŠA».
«Kali Prakapčuk stanie prezidentam Interpała, heta dazvolić rasiejskamu režymu jašče bolš pašyryć praktyku vykarystańnia «čyrvonych ordaraŭ» dla abmiežavańnia svabody pieramiaščeńnia i pieraśledu niepažadanych, u intaresach adyjoznaha režymu», — napisaŭ Arsien Avakov ŭ Facebook.
U Rasii takija abvinavačvańni nazvali čarhovaj prajavaj rusafobii.
Prezidenta Interpała vybiraje hienieralnaja asambleja arhanizacyi — kandydata pavinna padtrymać prostaja bolšaść delehataŭ ad 192 krain-členaŭ (pa adnym hołasie ad krainy).
Vybirajuć jaho na čatyry hady.
Prezident staršyniuje na pasiadžeńniach Hienasamblei i vykankama Interpała i «nakiroŭvaje abmierkavańnie». Abodva zhadanyja orhany źbirajucca niekalki razoŭ na hod i vyrašajuć stratehičnyja pytańni. Štodzionnym kiravańniem zajmajecca sakrataryjat, jaki maje ŭłasnaha kiraŭnika.
Heta značyć, prezident Interpoła adkazny nie za apieratyŭnaje «ručnoje kiravańnie» arhanizacyjaj, a chutčej za pryniaćcie stratehičnych rašeńniaŭ.
Zrešty, mienavita ŭ hetym i bačać hałoŭnuju niebiaśpieku pravaabaroncy.
«Stratehija pracy arhanizacyi budzie farmiravacca i vyznačacca pradstaŭnikom krainy-ahresara…», — havorycca ŭ zajavie šerahu ŭkrainskich pravaabarončych arhanizacyj, da jakoj dałučylisia i zamiežnyja kalehi.
Rasieju nie raz abvinavačvali ŭ tym, što jana sprabuje vykarystoŭvać «čyrvonyja ordary» — faktyčna mižnarodny order na aryšt — dla niejtralizacyi svaich apanientaŭ, abmiežavańnia ich u ruchu abo ekstradycyi.
Ludziej, na jakich vypisany «čyrvony ordar», mohuć aryštavać u luboj krainie, jakaja źjaŭlajecca členam Interpała, a ich bankaŭskija rachunki mohuć być zamarožanyja.
U zhadanym artykule Times pakazvajecca, što mienavita ŭ hady pracy Prakapčuka ŭ rasijskim MUS Interpał atrymlivaŭ šmat sprečnych «čyrvonych ordaraŭ» u dačynieńni da ludziej, jakich rasiejskija ŭłady mahli pieraśledvać pa palityčnych matyvach.
Avakaŭ pryhraziŭ: kali rasijanina ŭsio ž abiaruć prezidentam Interpała, Ukraina «razhledzić pytańnie ab prypynieńni svajho siabroŭstva» tam.
