«Tut nielha całavacca, tut MUS!» Kala skulptury haradavoha prajšoŭ čarhovy pierformans FOTY
Aktrysy Svabodnaha teatra siońnia praviali ekśpierymient kala skulptury haradavoha ŭ centry Minska. Dziaŭčaty pasprabavali abniacca z pomnikam i pacałavać jaho, ale adrazu ž byli spynienyja milicyjanieram.
«My prosta špacyrujem siońnia i bačym skulpturu minskaha haradavoha. Siońnia jon pavinien być rascałavany, niechta pavinien padaryć jamu ciapło».
Jak tolki aktrysy nablizilisia da pomnika, milicyjanier paprasiŭ ich nie dakranacca da jaho, bo «heta zabaraniaje kiraŭnictva».
Dziaŭčaty prasili rastłumačyć, čym heta skulptura asablivaja, čamu jaho nielha całavać. «Nu, a što ŭ hetym dobraha?.. Tut znachodzicca MUS», — adkazaŭ milicyjanier.
«Nie treba bajacca, heta tolki skulptura, jakaja nie pavinna nahaniać na nas strach. My za luboŭ», — da takoj vysnovy pryjšli aktrysy.
Nahadajem, dniami Ministerstva ŭnutranych spraŭ vykłała na svaim jutub-kanale rolik, dzie małady čałaviek vybačajecca za toje, što daŭ skulpturu haradavoha poŭchu.
Paźniej supracoŭniki MUS praviali vychavaŭčuju hutarku z mužčynam, jaki chacieŭ paviesić na haradavoha šalik. Taki kłopat pra pomnik staŭ abjektam žartaŭ u siecivie. Z hetaha navat paśmiajalisia na šou «Makajonka 9» na BT, ujaviŭšy, jak pierad pomnikam pavinny vybačacca hołuby, jakija jaho zapeckajuć.
