Šviejcaryja razhramiła Bielhiju (5:2) i vyjšła ŭ paŭfinał Lihi nacyj, choć sastupała 0:2 na 17-j chvilinie
sport.ch
Zbornaja Šviejcaryi damahłasia šykoŭnaj pieramohi nad kamandaj Bielhii ŭ zaklučnym tury Lihi nacyj.
Matč prachodziŭ u Lucernie. Haspadary prapuścili ad Tarhana Azara ŭžo na 2-j chvilinie, a na 17-j paŭabaronca mionchienhładbachskaj «Barusii» aformiŭ dubl, lik staŭ 2:0 na karyść bielhijcaŭ.
Paśla takoha pačatku matču šviejcarcam patrabavałasia zabić nie mienš za 4 hały, kab zaniać pieršaje miesca ŭ hrupie. Paražeńnie ź likam 2:3 bielhijcaŭ zadavalniała.
Haspadary zabili 5 miačoŭ i atrymali bujnuju pieramohu - 5:2. Forvard«Bienfiki» Charys Siefieravič zrabiŭ chiet-tryk.
Zbornaja Šviejcaryi vyjšła ŭ paŭfinał Lihi nacyj. Raniej ŭdzielnikami paŭfinału stali kamandy Partuhalii i Anhlii. Apošnim finalistam budzie abo Francyja, abo Niderłandy.
Finalny turnir tut projdzie ŭ pačatku červienia 2019 hoda ŭ Partuhalii.