Adziny ŭ śviecie pomnik Novamu hodu pastaviać u Biełaviežskaj puščy. Jon budzie interaktyŭnym FOTAFAKT
Pieršy i pakul adziny ŭ śviecie pamiatny znak Novamu hodu adkryjuć 8 śniežnia na śviatkavańni 15-hodździa rezidencyi Dzieda Maroza ŭ Biełaviežskaj puščy, paviedamlaje sajt puščy.
Kavanaja mastackaja kampazicyja budzie pieradavać nastroj lubimaha śviata i źjavicca pobač z hałoŭnaj jełkaj rezidencyi Dzieda Maroza. Pamiatny znak budzie składacca z cyfierbłata hadzińnika, jaki pakazvaje čas «bieź dźviuch chvilin Novy hod», i valonka Dzieda Maroza, što stajać na im. Sprava ad cyfierbłata raźmiaščajecca kij z rukavicaj zimovaha čaraŭnika, a źleva — miech z navahodnimi padarunkami.
Skulpturnaja kampazicyja budzie interaktyŭnaj: hości kazačnaj rezidencyi Dzieda Maroza zmohuć ustać u valonki, uziaŭšy ŭ pravuju ruku kij, u levuju — miech z padarunkami i zahadać svajo samaje zapavietnaje žadańnie.
U adkryćci pamiatnaha znaka ŭ honar śviatkavańnia Novaha hoda voźmuć udzieł biełaruski Dzied Maroz, Śniahurka, Matuchna-Zima i jaje dočki — Ściuža, Vichura i Zavirucha, kazačnyja hości z Rasii - Hłynyšak ź Jaranska i baškirski Kyš Babaj z Ufy, a taksama ŭsie ŭdzielniki fiestyvalu zimovych čaraŭnikoŭ «Zubr svajojspravy».