U śniežni biełarusaŭ čakajuć dźvie pracoŭnyja suboty i dva vychodnyja paniadziełki
Suboty — 1, 8 i 15 śniežnia — buduć vychodnymi. A voś dalej nas čakajuć pieranosy.
Fota Voli Aficeravaj
25 śniežnia, aŭtorak, u Biełarusi śviatkujecca katalicka-pratestanckaje Rastvo, tamu pracoŭny dzień z 24 śniežnia budzie pieraniesieny na 22 śniežnia.
U hetym vypadku biełarusaŭ čakajuć try vychodnyja: z 23 pa 25 śniežnia (niadziela — aŭtorak).
1 studzienia 2019 hoda vypadaje na aŭtorak, tamu 31 śniežnia (paniadziełak) taksama budzie vychodnym. Za jaho pryjdziecca adpracavać u subotu 29 śniežnia.
Urad jašče nie vyznačyŭsia ź pieranosami pracoŭnych dzion u 2019 hodzie. Pakul nie zrazumieła, ci budzie 2 studzienia vychodnym.
Uličvajučy, što hety dzień prypadaje na sieradu, to tady daviadziecca, mahčyma, rabić pracoŭnaj subotu 5 studzienia. Vychodnymi buduć tady 6 i 7 studzienia (niadziela i paniadziełak). Abo kali 2 studzienia pakinuć pracoŭnym dniom, to tady vychodnymi buduć try dni: 5—7 studzienia.
