Šunievič u zachapleńni ad ekśpierymientu z «kałhasam dla zekaŭ»
Ekśpierymient pa sacyjalizacyi asudžanych u sielhaspradpryjemstvie «Chutar-Ahra» ŭ Śvietłahorskim rajonie možna nazvać udałym, ličyć Ihar Šunievič, pieradaje BiełTA.
U «Chutar-Ahra» siońnia adznačajuć pieršaje dla jaho ŭ novym statusie śviata «Dažynki-2018.». U 2017 hodzie ahrakompleks pieradali ŭ viedamstva Departamientu vykanańnia pakarańniaŭ MUS. Na dumku ministra, ekśpierymient z novym padraździaleńniem ŭdały. Pa-pieršaje, z samaha pačatku zadumu dobra praličyli ekanamična. Pa-druhoje, značeńnie i miesca hetaha pradpryjemstva ŭ sistemie MUS abhruntavana patrebaj u sielhaspradukcyi i ŭnutranych vojskaŭ, i Departamienta vykanańnia pakarańniaŭ.
«Dumaju, rana ci pozna my prymnožym vopyt ekśpierymienta. Dzie i jak, pakul kazać rana — treba jašče niekalki siezonaŭ prajści, kab vyjści na niejki rytm i razumieć patrebu viedamstva ŭ takich pradpryjemstvach», — rastłumačyŭ ministr.
Za dasiahnutyja vyniki padziaku ministra ŭnutranych spraŭ atrymaŭ dyrektar «Chutar-Ahra». Ihar Šunievič uručyŭ jamu novy traktar.