ZŠA vystavili abvinavačvańnie Asanžu
Fota ź Vikipiedyi
Prakuratura ŭ ZŠA vystaviła abvinavačvańni zasnavalniku WikiLeaks Džulianu Asanžu, jaki z 2012 hoda znachodzicca ŭ palityčnym prytułku na terytoryi pasolstva Ekvadora ŭ Łondanie. Pra heta paviedamlajuć sa spasyłkaj na abvinavaŭčyja dakumienty ahienctva Reuters i The Washington Post.
Zhodna ź ich źviestkami, Miniust ZŠA nie płanavaŭ niejkim čynam ahučvać infarmacyju pra abvinavačvańnie. Infarmacyju nienaŭmysna raskryŭ pamočnik prakurora ŭschodniaj akruhi Virdžynii Keli Duajer.
Abaznanaja krynica Reuters pakazvaje, što dakumient pieršapačatkova byŭ kanfidencyjnym, h.zn. infarmacyja ab chodzie rasśledavańnia pa takoj spravie nie vydajecca. Pavodle jaho słoŭ, prakurory prosiać sudździu zakryć ad hramadskaści dakumienty pa kryminalnaj spravie, nie źviazanaj z Asanžam. U joj źmiaščajucca adznaki ab tym, što pieršapačatkova jon byŭ padadzieny ŭ akruhovy sud ZŠA ŭ Aleksandryi (štat Virdžynija) u žniŭni.
Jakija mienavita abvinavačvańni pradjaŭlenyja zasnavalniku WikiLeaks, nie ŭdakładniajecca.
Asanž z 2012 hoda žyvie ŭ pasolstvie Ekvadora ŭ Łondanie. U Vialikabrytanii jamu pahražaje kryminalny pieraśled za parušeńnie ŭmoŭ vyzvaleńnia pad zakład. Uletku 2018 hoda stała viadoma, što ŭłady Ekvadora mohuć vymusić Asanža pakinuć pasolstva. Prychilniki Asanža aścierahajucca, što jaho mohuć vydać ZŠA.
