Biełaruś na kłasie pieramahła Luksiemburh i amal harantavała pucioŭku ŭ płej-of Lihi nacyj

Fota Luxemburger Wort

U matčy 5-ha tura Lihi nacyj zbornaja Biełarusi vyjhrała ŭ haściach u Luksiemburha — 2:0. Dublem vyznačyŭsia Stas Drahun.

Hoł Stanisłava Drahuna v vorota sbornoj Luksiemburha#SbornajaBiełarusi#BiełyjaKryły#LUXBLR#LihaNacijpic.twitter.com/PbzkMOB05X

— ABFF (@BelFootFeder) 15 nojabria 2018 h.

Dubl Stasa Drahuna!#SbornajaBiełarusi#BiełyjaKryły#LUXBLR#LihaNacijpic.twitter.com/FYuA3vgjYT

— ABFF (@BelFootFeder) 15 nojabria 2018 h.

Małdova siońnia minimalna pieramahła San-Maryna 1:0.

Paśla 5 turaŭ: Biełaruś — 11, Luksiemburh — 9, Małdova — 8, San-Maryna — 0.

Apošni tur u našaj hrupie D2 projdzie ŭ niadzielu. Biełaruś u haściach hulaje z San-Maryna, a Małdova doma ź Luksiemburham. Prajhrać San-Maryna — heta z vobłaści fantastyki.

Pieramožca našaj hrupy vychodzić nie tolki ŭ dyvizijon S Lihi nacyj, ale, hałoŭnaje, u płej-of dyvizijona D Lihi nacyj, dzie ź inšymi tryma supiernikami razyhraje adnu pucioŭku na čempijanat Jeŭropy pa futbole 2020 hoda.

Z hrupy D1 hetu pucioŭku zavajavała Hruzija. U hrupie D3, vidać, pretendujuć Kosava i Azierbajdžan, u hrupie D4 — Makiedonija, Armienija i, mahčyma, Hibrałtar. Hety płej-of projdzie abo ŭ červieni 2019, abo ŭ sakaviku 2020 hoda.

Adnak praz dva tydni, 1 śniežnia 2018 hoda, u Dublinie projdzie losavańnie tradycyjnaha adboračnaha turniru na Jeŭra-2020.

55 zbornych buduć raźbityja na 10 hrupaŭ (pa piać ci šeść zbornych u zaležnaści ad losavańnia). Pucioŭki na Jeŭra-2020 atrymaje dźvie kamandy z hrupy. Turnir projdzie z sakavika pa listapad 2019 hoda.

Prabicca praz hety adbor na čempijanat Jeŭropy kudy składaniej, čym praz turnir Lihi nacyj.

0

0

0

0

0

0