Kreml patłumačyŭ historyju ź mietałašukalnikam i Pucinym u Sinhapury
kremlin.ru
Pres-sakratar prezidenta Rasii Dźmitryj Piaskoŭ abvierhnuŭ prośbu sinhapurskich słužbaŭ biaśpieki da Uładzimira Pucina prajści praz ramku mietałašukalnika. Pra heta paviedamlaje radyjostancyja «Havoryć Maskva» ŭ svaim Telegram-kanale.
«Jon prachodziŭ, jak i ŭsie, praz turnikiet», — skazaŭ pradstaŭnik Kramla.
Raniej u čaćvier žurnalist kramloŭskaha puła Dźmitryj Śmirnoŭ paviedamiŭ, što Pucinu padčas samita Rasija — ASIEAN nie treba było prachodzić praz ramku mietałašukalnika, pra što raniej napisaŭ śpiecyjalny karespandent haziety «Kommiersant» Andrej Kaleśnikaŭ.
U repartažy ad 14 listapada Kaleśnikaŭ pisaŭ, što pa patrabavańni słužbaŭ biaśpieki rasijski lidar prajšoŭ praz ramku mietałašukalnika i «zaźvinieŭ». Adnak nadhladać Pucina nie stali, havorycca ŭ materyjale. Karespandent taksama adznačaje, što zvyčajna na padobnyja mierapryjemstvy kiraŭnikoŭ dziaržaŭ i ministraŭ prapuskajuć praz asobny prachod, adznačaje lenta.ru.
