Stała viadoma, jak budzie vyhladać fantan na Pulichava ŭ centry Minska FOTA
Rekanstrujavać fantan na vuł. Pulichava, jaki nie funkcyjanuje ŭžo šmat hadoŭ, płanujuć u 2019 h., paviedamiła «Minsk-Navinam» pradstaŭnik «Minskzielanbuda» Natalla Hiecmančuk.
— Faktyčna treba budzie całkam demantavać stary abjekt i pabudavać novy. Prajekt rekanstrukcyi prachodzić ekśpiertyzu, — udakładniła jana.
Prajektam praduhledžana, što ŭ fantana buduć try čašy. Usie płoskasnyja, heta značyć naraŭnie z chodnikami. Pieršaja — kruhłaja, z 24 strumieniami, jakija bjuć uvierch na vyšyniu da 2,5 m. U ciomny čas sutak jany buduć z padśvietkaj.
Druhaja čaša budzie złučać pieršuju i treciuju,tut budzie 38 strumieniaŭ vyšynioj 0,5 m. Jany taksama buduć asnaščany padśvietkaj, uklučanaj uviečary.
Treciaja čaša zaprajektavana kvadratnaj. Strumieni buduć bić pa pierymietry i ŭnutry, raźbivajučy jaje na 4 nievialikija kvadraty.
