Vałhahradski padletak prynios u škołu siakieru, nažy i bienzin. Kali jaho zaviali da dyrektara, jon pryniaŭ atrutu
Vučań vośmaha kłasa ŭ sielskaj škole ŭ Vałhahradskaj vobłaści pryjšoŭ na zaniatki ź siakieraj, nažami i kanistraj bienzinu, paviedamlaje ria.ru.
Vaśmikłaśnik prynios chałodnuju zbroju ŭ škołu na chutary Čyrvony 13 listapada. U abłasnoj administracyi paviedamili, što nastaŭnik zabraŭ niebiaśpiečnyja pradmiety. Rajonnyja čynoŭniki zajavili, što, pa słovach vučniaŭ, školnik nie chacieŭ nikomu naškodzić.
Krynica ahienctva paviedamiŭ, što vaśmikłaśnik vykłaŭ pradmiety na partu, paśla čaho nastaŭniki adviali jaho ŭ kabiniet dyrektara. Tam školnik u prysutnaści darosłych niešta źjeŭ, jak miarkujecca, pacučynuju atrutu. Jaho špitalizavali.
U palicyi ličać, što školnik chacieŭ napałochać adnakłaśnikaŭ z-za mahčymaha kanfliktu, skazała krynica. Śledčy kamitet i MUS pravodziać pravierki.