Cikava viedać: dniami ŭ Viarchoŭnym saviecie SSSR źmianilisia pradstaŭniki ad BSSR
13 listapada ŭ bolšaść biełaruskich ŚMI pryjšli paviedamleńni ab tym, što ŭ pačatku miesiaca ŭ Maskvie adbylisia «vybary hramadzian SSSR u Saviety narodnych deputataŭ pa vybarčych rajonach, akruhach i ŭ Viarchoŭny Saviet SSSR čatyrnaccataha sklikańnia».
Hramadskaści moža być cikava, što źmianiłasia pradstaŭnictva «BSSR» u «Viarchoŭnym Saviecie SSSR»: ciapier «BSSR» budzie pradstaŭlać Viktar Uładzimiravič Ściakłoŭ (99,67% — «za», 0,33% hałasoŭ «suprać»).
Źmianilisia i «narodnyja deputaty» pa «biełaruskaj vybarčaj akruzie», ciapier heta: Jaŭhien Alaksiejevič Panamarenka («staršynia biełaruskaj i «litoŭskaj» pa sumiaščalnictvie) i toj ža Ściakłoŭ. Abodva nabrali pa 100% hałasoŭ.
Varta taksama dadać, što razam z «vybarami» adbyŭsia i «refierendum», u chodzie jakoha ŭsie «hramadzianie SSSR» vykazalisia za viartańnie administratyŭnaha dzialeńnia 1917 hoda, što aznačaje «vyklučeńnie» z SSSR takich adzinak, jak «sajuznyja respubliki».
Pakul nieviadoma, kali deputaty ad «BSSR» ustupiać u paŭnamoctvy.
Varjackija palityčnyja płyni rodam z Rasii apošnim časam robiacca zaŭvažnymi i ŭ Biełarusi.
Čytajcie: Adepty SSSR teraryzujuć čynoŭnikaŭ: daviali deputata da isteryki, na ŭpaŭnavažanaha pa spravach relihij vyklikali AMAP. Chto jany? VIDEA
Čytajcie: Biełaruski pašpart — «aŭsvajs», Łukašenka — «haŭlajtar»: homielski błohier pravodzić u Minsku sieminary pra toje, što ŭsie my — hramadzianie BSSR
Čytajcie: «Z 1991 hoda naša kraina akupavanaja». U internet trapiła šakujučaje VIDEA sieminara dla biełaruskich ideołahaŭ
