Pastupiła ŭ inšy horad i kinuła: pahraničnik u Ašmianach zastreliŭsia praź niaŭdałaje kachańnie
Napačatku listapada ŭ Ašmianach adbyłasia trahiedyja — zastreliŭsia małady pahraničnik, 23-hadovy Fiodar B.
Jak kažuć siabry chłopca, pryčynaj stała niaŭdałaje kachańnie.
Fiodar byŭ miascovym chłopcam, adsłužyŭ terminovuju ŭ pahraničnikach i potym zastaŭsia na kantrakt.
U Ašmianach u jaho była maładziejšaja dziaŭčyna Anhielina R. — tolki sioleta jana skončyła škołu.
U Ašmianach nie było dzie atrymać vyšejšuju adukacyju, tamu dziaŭčyna pastupiła va ŭniviersitet u Baranavičy.
Praz adlehłaść i źmienu paradku žyćcia para razyšłasia.
Nieŭzabavie ŭ dziaŭčyny źjaviŭsia novy chłopiec, a voś Fiodar zahaić sardečnyja rany nie zdoleŭ i zastreliŭsia.
Apošnim revieransam u bok byłoha kachańnia staŭ dopis UKantakcie:
«Niechta nie daražyŭ stasunkami z vami, a ciapier płača, hledziačy na vašyja fota».
Pytańni da ideołahaŭ vyklikaje nie tolki praziavanaje samazabojstva, ale i ahulny źmiest staronki chłopca UKantakcie: jak možna adnačasova słužyć zakonu i zachaplacca rasijskimi kryminalnymi aŭtarytetami?
