Na film z žonkaj Makieja ŭ hałoŭnaj roli źbirajuć $15 tysiač TREJLER, jaki ŭražvaje
Kali vy achviarujecie 1000 biełaruskich rubloŭ na stvareńnie filma «Damokłaŭ mieč», vas navat zdymuć u epizadyčnaj roli.
Kraŭdfandynh zapuściŭ režysior filma Juryj Jełchaŭ.
Ciaham dvuch miesiacaŭ płanujecca sabrać 30 000 biełaruskich rubloŭ.
«Prajekt naš nikim nie finansujecca — ni kinastudyjaj «Biełaruśfilm», ni Ministerstvam kultury. Zdymajem my jaho za svaje hrošy. Užo źniataja pałova filma, i da kanca hoda spadziajomsia źniać astatni materyjał, pačać mantaž i ahučvańnie. Usia zdymačnaja hrupa pracuje na vałanciorskich pačatkach, nie praz hrošy, a dziela lubovi da mastactva. Hrošy, jakija my spadziajomsia sabrać na kraŭndfandynhu, patrebnyja dla apłaty prafiesijnych akcioraŭ, jakija zdymajucca ŭ nas pakul biaspłatna».
Hałoŭnuju rolu ŭ filmie «Damokłaŭ mieč» hraje Viera Palakova, žonka ministra zamiežnych spraŭ Uładzimira Makieja.
Sam film pra toje, što dvoje nie vielmi maładych ludziej (estradnaja śpiavačka Dzijana i chirurh Radzivon), asudžanyja na śmierć ad ankałahičnaha zachvorvańnia, sustrakajucca ŭ parku ankałahičnaj kliniki. Pamiž imi ŭźnikaje kachańnie. Ale jak ža moža raźvivacca luboŭnaja historyja bieź luboŭnaha trykutnika. Treciaj hrańniu hetaj niezvyčajnaj lubovi stanovicca supiernica Dzijany — Eleanora («śvieckaja lvica», žurnalistka i televiadučaja). Vobraz hety śpisany aŭtaram scenaryja Anatolem Dzialendzikam ź viadomaj biełaruskaj teledzivy Eleanory Jazierskaj.
Trejler da filma režysior Juryj Jełchaŭ raźmiaściŭ u jutubie.
Da jaho źjavilisia pieršyja kamientary. «Adkul heta, ****o ŭ mianie?» — adznačaje adzin z hledačoŭ.
«Juryj … vy nie kryŭdujcie, ale hety film prosta žudasny!!! Kanśpirałahičnyja filmy pra amierykancaŭ na Miesiacy i Marsie byli vydatnymi … dy tam vy pa fakcie prosta pieramantavali i pierakłali amierykanskija filmy … ale ŭsio ž vynik vydatny … fantastyka — voś vaša ściežka … a hety film dno … lepš zaviazvajcie sa zdymkami … nu prosta čas i siły vydatkujecie marna =)», — padsumoŭvaje druhi.