ZŠA niaznačna pašyryli sankcyi suprać Rasii z-za anieksii Kryma i ahresii na Danbasie
ZŠA ŭvodziać sankcyi ŭ dačynieńni da troch fizičnych asob i dzieviaci arhanizacyj u suviazi z anieksijaj Kryma i ahresijaj na Danbasie. Pra heta zajaviŭ u čaćvier śpiecpradstaŭnik Dziarždepartamienta ZŠA pa Ukrainie Kurt Vołkier, paviedamlaje «RIA Novosti».
«Siońnia Złučanyja Štaty ŭvodziać finansavyja sankcyi, novyja sankcyi, jakija adnosiacca da Kryma i Danbasa… Heta sankcyi ŭ dačynieńni da troch fizičnych asob i dzieviaci arhanizacyj, jakija padtrymlivajuć sproby Rasii intehravać Krymski rehijon Ukrainy praz pryvatnyja inviestycyjnyja i pryvatyzacyjnyja prajekty abo jakija datyčnyja da surjoznych parušeńniaŭ praŭ čałavieka», — skazaŭ jon.
U čorny śpis trapili troje hramadzian Ukrainy i Rasii — ukrainiec Alaksandr Basaŭ, uradženiec Kryma, ukrainiec Andrej Suško i ŭradženiec Žytomirskaj vobłaści, hramadzianin Rasii Uładzimir Zarycki.
Siarod kampanij i arhanizacyj, suprać jakich uvodziacca sankcyi, — krymskija sanatoryi i hateli, a taksama «ministerstva dziaržaŭnaj biaśpieki ŁNR».